Manulife Home Country Youtube
Testimonial_Low res.jpg

គម្រោងអនាគតការសិក្សារបស់កូនខ្ញុំ ជាមួយមេនូឡាយហ្វ៍

 

អំណោយមួយដ៏ប្រសើរបំផុត សម្រាប់បុត្រធីតារបស់លោកអ្នក​!

នៅក្នុងបរិបទការងារបច្ចុប្បន្ន​ គុណភាពនៃការសិក្សាអប់រំ មានសារៈសំខាន់ណាស់សម្រាប់បុត្រធីតា របស់លោកអ្នក ដើម្បីទទួលបានការងារល្អជាទីគាប់ចិត្ត និងអនាគតដ៏ភ្លឺស្វាង។ ក្នុងនាមជា ឪពុក/ម្ដាយ លោកអ្នកប្រាកដជាមានបំណង ផ្ដល់នូវការសិក្សាអប់រំ ដ៏ប្រសើរបំផុត ដល់បុត្រធីតា របស់លោកអ្នក។

អនាគតការសិក្សារបស់កូនខ្ញុំ ជាមួយមេនូឡាយហ្វ៍ គឺជាគម្រោងដែលរួមបញ្ចូលទាំងការ សន្សំប្រាក់ និងការការពារ ដែលគម្រោងនេះត្រូវបានបង្កើតឡើង ជាពិសេសសម្រាប់ឪពុកម្ដាយ ទាំងឡាយណាដែលមាន បំណងសន្សំប្រាក់ ជាលក្ខណៈប្រព័ន្ធ និងការពារការទំនុកបម្រុង ផ្នែកហិរញ្ញវត្ថុសម្រាប់ការសិក្សាក្នុងកម្រិតកាន់តែខ្ពស់របស់បុត្រធីតា។

 

ការសន្សំជាលក្ខណៈប្រព័ន្ធ សម្រាប់ការសិក្សាកម្រិតកាន់តែខ្ពស់ មានរយៈពេល ៤ ឆ្នាំ

អនាគតការសិក្សារបស់កូនខ្ញុំ ជាមួយមេនូឡាយហ្វ៍ ផ្ដល់នូវប្រាក់សំណង សម្រាប់ការសិក្សា ត្រូវបានធានាដែលមានចំនួនស្មើនឹង ២៥% នៃចំនួនទឹកប្រាក់ត្រូវបានធានា ជារៀងរាល់ឆ្នាំ សម្រាប់រយៈពេល ៤ ឆ្នាំ។ ​យើងមានគម្រោងចំនួន ២ សម្រាប់ផ្ដល់ជូនគឺ​ "គម្រោងសម្រាប់ថ្នាក់វិទ្យាល័យ" ដែលផ្ដល់ជូននូវប្រាក់សំណង​សម្រាប់ការសិក្សា នៅពេលដែល បុត្រធីតារបស់លោកអ្នកមានអាយុពី ១៥ ឆ្នាំ ទៅ ១៨ ឆ្នាំ និង "គម្រោងសម្រាប់ ថ្នាក់សាកលវិទ្យាល័យ" ដែលផ្ដល់ជូននូវប្រាក់សំណង សម្រាប់ការសិក្សានៅពេលដែលបុត្រធីតា របស់លោកអ្នកមានអាយុពី ១៩ ឆ្នាំ ទៅ ២២ ឆ្នាំ។ ប្រាក់សំណង សម្រាប់ការសិក្សា ត្រូវបានធានានឹងជួយធានាឲ្យ លោកអ្នកមានថវិកា គ្រប់គ្រាន់សម្រាប់ផ្គត់ផ្គង់ ដល់ការសិក្សា របស់បុត្រធីតា ឲ្យបានបញ្ចប់វិទ្យាល័យ ឬ សាកលវិទ្យាល័យសមតាមបំណងរបស់លោកអ្នក។

តារាងខាងក្រោមនេះ គឺជាឧទាហរណ៍បង្ហាញពីប្រាក់សំណងដែលលោកអ្នកនឹងទទួលបាន ប្រសិនបើ លោកអ្នកចាប់ផ្ដើម "គម្រោងសម្រាប់ថ្នាក់វិទ្យាល័យ" ដែលទឹកប្រាក់ ត្រូវបានធានាមានចំនួន  ៦ពាន់ដុល្លារសហរដ្ឋអាមេរិច នៅពេលដែលបុត្រធីតា របស់លោកអ្នកមានអាយុ ១ ឆ្នាំ។

 

អាយុកូន

% នៃ​ចំនួនទឹកប្រាក់ត្រូវបានធានា

ចំនួនទឹកប្រាក់ត្រូវផ្ដល់ជូន

១៥ 

២៥%

$ ១,៥០០

១៦ 

២៥%  

$ ១,៥០០

១៧

២៥%  

$ ១,៥០០

១៨

២៥% + ភាគលាភនិង​ការប្រាក់

$ ១,៥០០ + ភាគលាភនិង​ការប្រាក់

 

តារាងខាងក្រោមនេះ គឺជាឧទាហរណ៍បង្ហាញពីប្រាក់សំណងដែលលោកអ្នកនឹងទទួលបាន ប្រសិនបើ លោកអ្នកចាប់ផ្ដើម "គម្រោងសម្រាប់ថ្នាក់សាកលវិទ្យាល័យ" ដែលទឹកប្រាក់ត្រូវបានធានាមានចំនួន ៦ពាន់ដុល្លារសហរដ្ឋអាមេរិច នៅពេលដែល បុត្រធីតារបស់លោកអ្នកមានអាយុ ១ ឆ្នាំ  ។

អាយុកូន

% ​នៃចំនួនទឹកប្រាក់ត្រូវបានធានា

 ចំនួនទឹកប្រាក់ត្រូវផ្ដល់ជូន

១៩

២៥%

$ ១,៥០០

២០

២៥%  

$ ១,៥០០

២១

២៥%  

$ ១,៥០០

២២

២៥% + ភាគលាភនិង​ការប្រាក់

$ ១,៥០០ + ភាគលាភនិង​ការប្រាក់


កម្ចីឥណទានប័ណ្ណសន្យារ៉ាប់រង បុព្វលាភរ៉ាប់រង​មិនទាន់​បាន​បង់ និងការប្រាក់​ទាំង​ឡាយ​នឹង​ត្រូវ​កាត់កង​ជាមួយ​ចំនួន​ទឹកប្រាក់​ត្រូវ​ផ្តល់​ជូន។
ភាគលាភត្រូវបានប្រកាស​ជារៀងរាល់ឆ្នាំ​ និង​ត្រូវ​បាន​រក្សាទុកជាប្រាក់​តម្កល់​ជាមួយ​ក្រុមហ៊ុន​ ដើម្បី​ទទួល​បាន​ការប្រាក់​បូកបង្គរ។ ​ភាគលាភ​មិនមាន​ការធានា។ អត្រាការប្រាក់​អាចត្រូវបាន​ពិនិត្យឡើងវិញ និង​កែ​សម្រួល​ដោយ​ក្រុមហ៊ុន​ទៅ​តាម​ដំណាក់កាល​នីមួយៗ។
 

សម្រេចគោលដៅហិរញ្ញវត្ថុរបស់លោកអ្នក

អនាគតការសិក្សារបស់កូនខ្ញុំជាមួយមេនូឡាយហ្វ៍ ​គឺជាគម្រោងមួយដែលរួមបញ្ចូល នូវការសន្សំប្រាក់។ គោលដៅនៃគម្រោងនេះ គឺផ្ដល់ការធានាសុវត្ថិភាព ដល់ថវិកាសម្រាប់ការសិក្សា របស់បុត្រធីតាលោកអ្នក ដែលទន្ទឹមនឹងនោះដែរផ្ដល់នូវការគាំទ្រ ដល់គោលដៅហិរញ្ញវត្ថុ របស់លោកអ្នក។

ភាគលាភប្រចាំឆ្នាំ ដែលបានរក្សាទុកជាប្រាក់តម្កល់ជាមួយក្រុមហ៊ុន នឹងទទួលបាននូវ ការប្រាក់បូកបង្គរ ហើយដែលលោកអ្នក អាចដកយកជាសាច់ប្រាក់សុទ្ធមកប្រើប្រាស់បាន។ ភាគលាភទាំងនេះមិនមានការធានា ហើយនឹងត្រូវបានប្រកាសជារៀងរាល់ឆ្នាំដោយក្រុមហ៊ុន។

តម្លៃសាច់ប្រាក់ដែលត្រូវបានធានា អាចយកមកប្រើប្រាស់ជាកម្ចីឥណទានបាន នៅពេលដែល មានតម្រូវការចាំបាច់។

នៅពេលដែលលោកអ្នកទទួលបានជាលើកដំបូង នូវប្រាក់សំណងសម្រាប់ការសិក្សាត្រូវបានធានា នោះនឹង ពុំមានការបង់បុព្វលាភរ៉ាប់រង បន្តទៀតទេ ហើយកាតព្វកិច្ចហិរញ្ញវត្ថុ របស់លោកអ្នក នឹងមានភាពធូរស្រាល។ បុព្វលាភរ៉ាប់រងមានអត្រាថេរ និងមានការធានា ដែលធ្វើឲ្យការរៀបចំ គម្រោងហិរញ្ញវត្ថុរបស់លោកអ្នកមានភាព ងាយស្រួល និងអាចគ្រប់គ្រងបាន។



ការពារថវិកាបម្រុង សម្រាប់ការសិក្សាអប់រំ របស់បុត្រធីតាលោកអ្នក

ផលប្រយោជន៍អ្នកបង់ប្រាក់ក្រោមគម្រោង "អនាគតការសិក្សារបស់កូនខ្ញុំជាមួយមេនូឡាយហ្វ៍" ផ្ដល់នូវ ការការពារបន្ថែម ចំពោះថវិកាបម្រុង សម្រាប់ការសិក្សារបស់បុត្រធីតាលោកអ្នក។ ក្នុងករណីដែលមាន ហេតុការណ៍នឹកស្មានមិនដល់ណាមួយ បានកើតឡើងចំពោះលោកអ្នក ដែលជាអ្នកបង់បុព្វលាភរ៉ាប់រង (ដូចជាករណីមរណភាព ឬ ពិការភាពទាំងស្រុងជាដើម)* នោះការបង់បុព្វលាភរ៉ាប់រង នាពេលអនាគត របស់លោកអ្នកនឹងត្រូវបានលើកលែង ហើយប័ណ្ណសន្យារ៉ាប់រងនេះ នឹងនៅតែបន្តមានសុពលភាព រួមទាំងប្រាក់សំណងសម្រាប់ការសិក្សា ត្រូវបានធានា ភាគលាភបូកបង្គរ និងការប្រាក់ និងផលប្រយោជន៍ ដទៃទៀត នឹងនៅតែត្រូវបានផ្តល់ជូននៅពេលដល់កាលកំណត់ទូទាត់។ អាស្រ័យហេតុនេះ ការសិក្សាអប់រំ របស់បុត្រធីតាលោកអ្នកនៅតែទទួលបាននូវការឧបត្ថម្ភគាំទ្រ។ លោកអ្នកនឹងអស់ក្តីបារម្ភ ដោយដឹងថាថវិកា សម្រាប់ផ្គត់ផ្គង់ដល់ការសិក្សាអប់រំរបស់បុត្រធីតាលោកអ្នកត្រូវបានការពារ។

(*) ផលប្រយោជន៍​អ្នកបង់​ប្រាក់ គឺយោង​ទៅ​តាម​​និយមន័យ​ លក្ខខណ្ឌ និងករណី​លើកលែង​ដែល​បាន​ចែង​ក្នុង​កិច្ចសន្យា​នៃ​ប័ណ្ណសន្យារ៉ាប់រង។



ផ្ដល់​នូវ​ការការពារ​គ្រប់ជ្រុងជ្រោយ

ក្នុងករណីជាអកុសលណាមួយ ដែលអ្នកត្រូវបានធានាទទួលមរណភាព  អ្នកទទួលផលប្រយោជន៍ នឹងទទួលបានប្រាក់សំណង ករណីមរណភាព** ដែលជាចំនួនទឹកប្រាក់ត្រូវបានធានា ដោយដកចេញនូវប្រាក់សំណង សម្រាប់ការសិក្សា ត្រូវបានធានាដែលបានផ្តល់ជូនរួច។ ក្នុងករណីមរណភាព ដោយគ្រោះថ្នាក់ នោះនឹងមានការបង់ប្រាក់បន្ថែម ១០០% នៃចំនួនទឹកប្រាក់ត្រូវបានធានា** ដោយដកចេញនូវប្រាក់សំណង សម្រាប់ការសិក្សា ត្រូវបានធានាដែលបានផ្តល់ជូនរួច។ ចំនួនទឹកប្រាក់ត្រូវផ្ដល់ជូន នឹងមានការបូកបន្ថែម ភាគលាភ បូកបង្គរ ដកចេញនូវបុព្វលាភរ៉ាប់រងដែលមិនទាន់បង់ កម្ចីឥណទាន និងការប្រាក់។

(**) ប្រាក់សំណងករណីមរណភាព និងប្រាក់សំណងករណីមរណភាពដោយគ្រោះថ្នាក់គឺ​យោងទៅ​តាម​លក្ខខណ្ឌ និងករណី​លើកលែង​ដែល​បាន​ចែង​ក្នុង​កិច្ចសន្យា​នៃ​ប័ណ្ណសន្យារ៉ាប់រង។ សម្រាប់​អ្នក​ត្រូវ​បាន​ធានារ៉ាប់រង​ដែល​មាន​អាយុ​ ១ ឆ្នាំ ២ ឆ្នាំ និង ៣ ឆ្នាំ  គិត​ត្រឹម​ថ្ងៃកំណើត​ចុង​ក្រោយ​ ប្រាក់សំណង​ករណីមរណភាព​ និង​ប្រាក់​​​សំណង​ករណីមរណភាព​ដោយ​គ្រោះថ្នាក់​ដែល​ត្រូវ​បង់ ​គឺមាន​ចំនួន​​ ៤០% ៦០% និង ៨០% (តាម​លំដាប់​រៀង​គ្នានៃអាយុ)​ នៃ​ចំនួន​ទឹក​ប្រាក់​ត្រូវ​បាន​ធានា​។



កំណត់សម្គាល់សំខាន់ៗ និងការបដិសេធ៖

ការទិញប័ណ្ណសន្យារ៉ាប់រងអាយុជីវិត គឺជាសន្យាយូរអង្វែងមួយ។ ជាធម្មតា ការបញ្ចប់សុពលភាព ប័ណ្ណសន្យារ៉ាប់រងមុនពេលកំណត់បង្កឲ្យមានការចំណាយខ្ពស់ ហើយតម្លៃទឹកប្រាក់សម្រាប់ ការលះបង់ ដែលត្រូវផ្ដល់ជូន (ប្រសិនបើមាន) អាចនឹងមានចំនួនតិចជាងបុព្វលាភរ៉ាប់រងសរុបដែលបានបង់រួច។ "អនាគតការសិក្សារបស់កូនខ្ញុំជាមួយមេនូឡាយហ្វ៍" គឺជាផលិតផលធានារ៉ាប់រងអាយុជីវិត មួយដែលមាន ការវាយតម្លៃការធានាពីក្រុមហ៊ុន មេនូឡាយហ្វ៍ (ខេមបូឌា) ភីអិលស៊ី។ ខិត្តប័ណ្ណព័ត៌មាននេះ គឺជា ឯកសារយោងប៉ុណ្ណោះ។ សូមអានកិច្ចសន្យានៃប័ណ្ណសន្យារ៉ាប់រងដើម្បីស្វែងយល់ពីលក្ខខណ្ឌ និងបញ្ញត្តិលម្អិត។

 

សម្រាប់ព័ត៌មានបន្ថែមស្ដីពី គម្រោងអនាគតការសិក្សារបស់ខ្ញុំ ជាមួយមេនូឡាយហ្វ៍ សូមទាក់ទងតាមរយៈលេខទូរស័ព្ទ ០២៣ ៩៦៥ ៩៩៩ ឬ ផ្នែកសេវាកម្មអតិថិជនរបស់យើងខ្ញុំ

 

វីដេអូ

YouTube Peace of Mind stories : លោក អ៊ុក សុវណ្ណារិទ្ធ

 

ផលិតផល

គម្រោងអនាគតការសិក្សាកូនរបស់ខ្ញុំ ជាមួយមេនូឡាយហ្វ៍

គម្រោងអនាគតគ្រួសារខ្ញុំ ជាមួយមេនូឡាយហ្វ៍

ការការពារកម្ចីទិញផ្ទះ ជាមួយមេនូឡាយហ្វ៍

     

គម្រោងមរតកខ្ញុំ ជាមួយមេនូឡាយហ្វ៍

គម្រោង មេនូឡាយហ្វ៍ ជីវិតខ្ញុំ

គម្រោងធានារ៉ាប់រងអាយុជីវិតជាក្រុម ជាមួយមេនូឡាយហ្វ៍