ចែករំលែក

តើគួរត្រៀមអ្វីខ្លះដើម្បីបញ្ជូនកូនទៅសិក្សានៅបរទេសបាន?

ដកស្រង់ជាពិសេសចេញពីសិក្ខាសាលា ‘ធ្វើឲ្យក្តីស្រមៃរបស់កូនក្លាយជាការពិត’ កាលពីថ្ងៃទី ២ ខែ វិច្ឆិកា ឆ្នាំ ២០២៤

ដើម្បីជួយលោកអ្នកសម្រេចក្ដីស្រមៃបញ្ជូនកូនទៅសិក្សានៅបរទេស យើងមានការផ្តល់ជូនពិសេសសម្រាប់លោកអ្នកជ្រើសរើស

ឪពុកម្ដាយគ្រប់រូបសុទ្ធសឹងតែប្រាថ្នាចង់អោយកូនទទួលបានការអប់រំខ្ពស់ និងស្របតាមស្ដង់ដាអន្តរជាតិដែលមានការទទួលស្គាល់ជាសកល ដើម្បីអភិវឌ្ឈន៍សមត្ថភាព ចំណេះ ជំនាញ ក្នុងការកសាងជីវិត និងអនាគតកាន់តែប្រសើរសម្រាប់ខ្លួនឯង គ្រួសារ និងសង្គមជាតិ។ ប៉ុន្តែក្នុងការធ្វើអោយក្ដីប្រាថ្នានោះចេញជារូបរាង ឪពុកម្ដាយពិតជាត្រូវគិតគូរពីការរៀបចំផែនការបែបណា ដើម្បីសម្រេចក្ដីប្រាថ្នារបស់កូន។

ហេតុនេះ យើងខ្ញុំសូមចែករំលែកចំណុចសំខាន់ទាំង ៥ ដែលដកស្រង់ចេញ និងសង្ខេបជាពិសេសជូនលោកអ្នកពីសិក្ខាសាលា ‘ធ្វើឲ្យក្តីស្រមៃរបស់កូនក្លាយជាការពិត’ កន្លងទៅថ្មីៗនេះ៖

ចង់ឲ្យកូនសិក្សាដល់កម្រិតណា? ការដឹងអំពីកម្រិតការសិក្សារបស់កូនពិតជាសំខាន់ ព្រោះលោកអ្នកអាចកំណត់ពេលវេលាជាក់លាក់សម្រាប់រៀបចំផែនការហិរញ្ញវត្ថុ។ ឧទាហរណ៍ កូនអ្នកអាយុ ៨ ឆ្នាំ ចង់ទៅសិក្សាថ្នាក់បរិញ្ញាប័ត្រ (សាកលវិទ្យាល័យ) នៅប្រទេសអូស្រ្តាលី ផ្នែកគ្រប់គ្រងអាជីវកម្ម នោះលោកអ្នកមានពេល ១០ ឆ្នាំ ពីឥលូវសម្រាប់ការរៀបចំ។
ចង់ឲ្យកូនសិក្សានៅប្រទេសណា? ការស្វែងយល់ពីប្រទេសនីមួយៗមុនពេលដែលលោកអ្នកសម្រេចចិត្តបញ្ជូនកូនទៅពិតជាសំខាន់ ពីព្រោះប្រទេសនីមួយមានការអភិវឌ្ឍន៍ និងចំណុចខ្លាំងរៀងៗខ្លួន ជាមួយថ្លៃសាលា និងការចំណាយក៏ខុសៗគ្នា ហេតុនេះលោកអ្នកត្រូវស្វែងរកព័ត៌មានឲ្យបានច្បាស់ថាប្រទេសណាសាកសម ជាមួយជំនាញដែលលោកអ្នក និងកូនជ្រើសរើស។ ចុចទីនេះដើម្បីដឹងថា តើប្រទេសណាខ្លះដែលឪពុកម្តាយកម្ពុជានិយមបញ្ជូនកូនទៅសិក្សា?

3. ចង់ដឹងថាត្រូវចំណាយប៉ុន្មាន? ខាងក្រោមនេះជាតារាងតម្លៃសិក្សា យោងតាមក្រុមហ៊ុនផ្តល់ប្រឹក្សាយោបល់ និងផ្តល់សេវាកម្មទៅសិក្សានៅបរទេស WEduAbroad ៖

ប្រទេស	ថ្លៃសាលា	ថ្លៃរស់នៅ
សហរដ្ឋអាមេរិក	$7,000 - $60,000	$1,000 - $1,500 ក្នុង 1 ខែ
ប្រទេសអូស្ត្រាលី	$14,000 - $35,000	$1,000 - $1,500 ក្នុង 1 ខែ
ចក្រភពអង់គ្លេស	$24,000 - $39,000	$1,000 - $2,500 ក្នុង 1 ខែ

4. ចង់ដឹងថាត្រូវរៀបចំអ្វីខ្លះ? យើងបានចងក្រងវិធីសាស្រ្តគណនាដើម្បីជួយលោកអ្នកសម្រេចគោលដៅសន្សំ និងធ្វើឲ្យក្តីស្រមៃរបស់កូនក្លាយជាការពិតក្នុងការសិក្សានៅបរទេស ដោយលោកអ្នកគ្រាន់តែចំណាយពេលត្រឹមតែ 1 នាទី បំពេញព័ត៌មានតាមរយៈបុគ្គលិកជំនាញប្រឹក្សាយោបល់យើងខ្ញុំ ដើម្បីទទួលយកការគណនាជូនដោយផ្ទាល់ និងការប្រឹក្សាដោយឥតគិតថ្លៃ។

5. ធ្វើយ៉ាងណាទើបអាចប្រាកដថាកូនអាចរៀនបានចប់ចុងចប់ដើម? មានគម្រោងធានារ៉ាប់រងមួយ ជាមួយទំហំការការពារដែលអាចរ៉ាបរង និងធានាលើចំណាយការសិក្សាកូនរហូតដល់ចប់ចុងចប់ដើម ទោះបីជាមានរឿងអ្វីកើតឡើង ឬអវត្តមានលោកអ្នកក៏ដោយ។