បញ្ជាក់
រំលងទៅអត្តបទសំខាន់ រំលងទៅមាតិកាជូនដំណឹង
Back

រត់​ដោយ​សុវត្ថិភាពជាមួយ មេនូឡាយហ្វ៍

ត្រៀមហើយឬនៅសម្រាប់ការចូលរួមព្រឹត្តិការណ៍រត់ប្រណាំងអន្តរជាតិពាក់កណ្ដាលម៉ារ៉ាតុងនៅ តំបន់អង្គរ?  តោះចូលរួមសាជាថ្មី  ក៏ដូចជាការបើក​ទំព័រថ្មីនៃការបើកប្រទេសឱ្យដំណើរការធម្មតាឡើងវិញក្រោយខកខានអស់រយៈពេល​មួយឆ្នាំកន្លងមក។

ស្រប​ពេល​ដែល​ទិវារត់ប្រណាំងអន្តរជាតិពាក់កណ្តាលម៉ារ៉ាតុងអង្គរ លើកទី២៦ នឹងប្រារព្ធធ្វើឡើងនាថ្ងៃអាទិត្យ ទី២ ខែមករា ឆ្នាំ២០២២ នៅក្នុងខេត្តសៀមរាប ព្រឹត្តិការណ៍នេះត្រូវ​បាន​រំពឹង​ទុក​ថានឹងក្លាយ​ជា​ចំណុច​ចាប់​ផ្តើម​ថ្មី​មួយក្នុងការ​ធ្វើ​ឲ្យ​វិស័យកីឡាករ និង​​ទេសចរណ៍​ទូ​ទាំង​កម្ពុជាកាន់​តែ​មានភាពល្អ​ប្រសើរ​ក្រោយ​រង​ការ​វាយ​ប្រហារ​ដោយ​សារ​តែកូវីដ ១៩​។ 

កម្មវិធីនេះ​មានការឧបត្ថម្ភផ្តាច់មុខពីក្រុមហ៊ុនធានារ៉ាប់រងអាយុជីវិត មេនូឡាយហ្វ៍​ ខេមបូឌា។ បច្ចុប្បន្ន ក្រុមហ៊ុនកំពុងតែធ្វើការយ៉ាងជិតស្និទ្ធ​ជាមួយគណៈកម្មាធិការជាតិអូឡាំពិកកម្ពុជា (NOCC) ក្នុងការរៀបចំ​ព្រឹត្តិការណ៍នេះប្រកបដោយសុវត្ថិភាពបំផុត​ជូនដល់អ្នកចូលរួមទាំងអស់។ 

ដើម្បីផ្ដល់ជូនទាំងទំនុកចិត្ត និងសុវត្ថិភាព​​ ​ក្រុមហ៊ុន មេនូឡាយហ្វ៍ និងគណៈកម្មាធិការរៀបចំកម្មវិធី​បានដាក់ផែនការសុវត្ថិភាព និងអនុវត្តតាមការណែនាំរបស់វិធានការសុខាភិបាលយ៉ាងតឹងរ៉ឹង ដើម្បីធានាថាអ្នករត់ នឹងរត់ដោយសុវត្ថិភាពជាមួយ មេនូឡាយហ្វ៍។

 

យ៉ាងណាមិញ អ្នកចូលរួមទាំងអស់កុំភ្លេចថែរក្សាសុខភាព ក៏ដូចជា៖

  1. ពាក់ម៉ាស ឱ្យបានត្រឹមត្រូវក្នុងកន្លែងបិទជិត ឬមានមនុស្សច្រើន
  2. បាញ់អាល់កុល ឬជែលលាងដៃ
  3. ត្រូវរក្សាគម្លាតពីគ្នាដើម្បីផ្ដល់នូវ​សុវត្ថិភាព​ខ្លួនឯង និងអ្នកនៅជុំវិញខ្លួន។

ដើម្បីធានាបានថា​អ្នកចូលរួមនឹងទទួលបាននូវបទពិសោធន៍ថ្មីៗ អនុស្សាវរីយ៍ល្អៗ​ និងបរិយាកាសដ៏ស្រស់ត្រកាលនៅតំបន់អង្គរ ក៏ដូចជារួមចំណែកក្នុងកម្មវិធីសប្បុរសធម៌ តាមរយៈការចូលរួមព្រឹត្តិការណ៍កីឡាទេសចរណ៍អន្តរជាតិនេះផងដែរ។

គួរបញ្ជាក់ផងដែរថា ​ព្រឹត្តិការណ៍​នេះក៏ជានឹងចូលរួមចំណែកជួយរាជរដ្ឋាភិបាលកម្ពុជាក្នុងការបើកឡើងវិញនៃសេដ្ឋកិច្ចជាតិ និងជួយជ្រោមជ្រែងសហគមន៍ដែលរងផលប៉ះពាល់ដោយកូវីដ១៩។ ​

 

លោក Justin Helferich អគ្គនាយកប្រតិបត្តិ និងជានាយកចាត់ការទូទៅរបស់ក្រុមហ៊ុន Manulife Cambodia បានថ្លែងថា៖ «ក្រុមហ៊ុន មេនូឡាយហ្វ៍ បន្តការគាំទ្រព្រឹត្តិការណ៍នេះតាំងពីឆ្នាំ ២០១៤ ដែលជាផ្នែកមួយក្នុងការជួយឱ្យអតិថិជន បុគ្គលិក និងសហគមន៍មានសុខភាពល្អ ភាពសកម្ម និងជីវិតដ៏ប្រសើរ។ ឆ្នាំនេះ យើងមានទំនួលខុសត្រូវខ្ពស់លើសុខសុវត្ថិភាពរបស់អ្នកចូលរួម ធ្វើយ៉ាងណាអនុវត្តឲ្យបានខ្ជាប់ខ្ជួននូវវិធានការសុខាភិបាលដោយសហការយ៉ាងជិតស្និទ្ធជាមួយគណៈកម្មាធិការជាតិអូឡាំពិកកម្ពុជា និងចូលរួមចំណែកជាមួយរាជរដ្ឋាភិបាលកម្ពុជាក្នុងការបើកប្រទេស និងសេដ្ឋកិច្ចជាតិឡើងវិញ»។

ចូលរួមទាំងអស់គ្នា ដើម្បីលើកស្ទួយសេដ្ឋកិច្ច ទេសចរណ៍ជាតិឱ្យរស់ឡើងវិញ និងបើកឆាកនៃការរស់នៅតាមគន្លងថ្មីទាំងអស់គ្នា៕​

 

ដើម្បីទទួលព័ត៌មានបន្ថែម និងព័ត៌មានថ្មីៗពី​ក្រុមហ៊ុន​ មេ​នូ​ឡាយ​ហ្វ៍​ ខេមបូឌា  សូម​​តាម​ដាន​ទំ​ព័រហ្វេសប៊ុក «Manulife Cambodia»  តាម​រយៈ www.facebook.com/ManulifeKH ឬ ​ចូល​ទៅកាន់​គេហ​ទំ​ព័រ www.manulife.com.kh