មេនូឡាយហ្វ៍ សហការជាមួយ វេទិកាសេដ្ឋកិច្ចពិភពលោក (World Economic Forum) បានប្រកាសបើកជាផ្លូវការកម្មវិធីប្រកួតប្រជែង "ការជំរុញនវានុវត្តន៍សម្រាប់អនាគតប្រជាសាស្រ្តនៅអាស៊ី" 

នេះជាឆ្នាំទីពីរសម្រាប់កម្មវិធីប្រកួតប្រជែងនេះដែលបង្កើតឡើងក្រោមកិច្ចសហការបស់ស្ថាប័នទាំងពីរក្នុងការជួយជំរុញអនាគតនវានុវត្តន៍ប្រកបដោយទីឃាយភាព

កម្ពុជា – មេនូឡាយហ្វ៍ សហការជាមួយ វេទិកាសេដ្ឋកិច្ចពិភពលោក (World Economic Forum) បានប្រកាសបើកជាផ្លូវការកម្មវិធីប្រកួតប្រជែង "ការជំរុញនវានុវត្តន៍សម្រាប់អនាគតប្រជាសាស្រ្តនៅអាស៊ី" តាមរយៈ  UpLink, ដែលជាវេទិកាជំរុញនវានុវត្តន៍សាធារណៈ។ ជាមួយគ្នានេះ មេនូឡាយហ្វ៍ និងវេទិកាសេដ្ឋកិច្ចពិភពលោក កំពុងស្វែងរកធុរកិច្ចបង្កើតថ្មី ដែលអាចនាំមកនូវដំណោះស្រាយក្នុងការជួយលើកកម្ពស់ប្រជាជនគ្រប់វ័យនៅអាស៊ី ឱ្យទទួលបានស្ថិរភាពហិរញ្ញវត្ថុ ការយកចិត្តទុកដាក់លើការថែទាំសុខភាព និងការចូលរួមយ៉ាងសកម្មនៅក្នុងសហគមន៍ឱ្យចូលរួមក្នុងការប្រកួតនេះ។

លោកស្រី Sarah Chapman នាយិកាផ្នែកអភិវឌ្ឍន៍ដោយចីរភាពប្រចាំ ក្រុមហ៊ុន មេនូឡាយហ្វ៍ ជាសកល មានប្រសាសន៍ថា​៖ "ដើម្បីជួយប្រជាជនឱ្យរស់នៅកាន់តែប្រសើរ​ក្នុងរយៈពេលយូរ យើងចាំបាច់ត្រូវគិតឡើងវិញពីវិធីសាស្រ្តដែលធ្លាប់អនុវត្តកន្លងមកដូចជាលើការសន្សំ ការធានារ៉ាប់រង ការថែទាំសុខភាព និងការចូលរួមជាមួយសហគមន៍ជាដើម។ កម្មវិធីប្រកួតប្រជែងនេះគឺជាឱកាស​ជំរុញការវិនិយោគលើការបណ្ដុះនវានុវត្តន៍ដែលអាចជួយដោះស្រាយបម្រែបម្រួលប្រជាសាស្រ្តដែលកំណត់អនាគតនៅអាស៊ី ក្នុងកិច្ចខិតខំប្រឹងប្រែងដើម្បីកែលម្អការថែទាំផ្នែកសុខភាព ការការពារទ្រព្យសម្បត្តិ និងគុណភាពនៃការរស់នៅសម្រាប់មនុស្សជំនាន់ក្រោយ។”

នៅ​ឆ្នាំ​2025 មនុស្ស​ម្នាក់​ក្នុង​ចំណោម 4 ​នាក់​នៅ​អាស៊ីដែលអាចរស់នៅរហូតដល់​អាយុ​លើស​ពី 60​ឆ្នាំ។ ការផ្លាស់ប្តូនៃប្រជាសាស្រ្តនេះកើតចេញពីអាយុសង្ឃឹមរស់មានការកើនឡើង និងអត្រានៃការមានផ្ទៃពោះមានការថយចុះ។ ក្នុងពេលដែលប្រទេសនានាក្នុងទ្វីបអាស៊ីកំពុងសម្របខ្លួនទៅនឹងការផ្លាស់ប្តូរទាំងនេះ មនុស្សប្រហែលជាលែងអនុវត្តតាមមធ្យោបាយចាស់ៗដែលធ្លាប់ធ្វើពីមុនហើយដូចជាលើ 'ការសិក្សា ការងារ ការចូលនិវត្តន៍' ជាដើម។ លើសពីនេះ ទិន្នន័យពី Asia Care Survey របស់ ក្រុមហ៊ុន មេនូឡាយហ្វ៍ បានបង្ហាញថា សុខុមាលភាពរឹងមាំរបស់បុគ្គល គឺជាចំណុចយ៉ាងសំខាន់ក្នុងការលើកម្ពស់ទាំងផ្នែកហិរញ្ញវត្ថុ និងសុខភាពសម្រាប់ប្រជាជនទូទាំងអាស៊ី ហើយការកើនឡើងនៃថ្លៃថែទាំសុខភាពគឺជាកង្វល់ដ៏ធំមួយ ដែលធ្វើឱ្យប៉ះពាល់សុខុមាលភាពហិរញ្ញវត្ថុ និងការព្រួយបារម្ភកាន់តែខ្លាំងអំពីការសន្សំ។

ដើម្បីលើកកម្ពស់ភាពរឹងមាំផ្នែកហិរញ្ញវត្ថុរយៈពេលវែង សុខុមាលភាព និងតម្រូវការរបស់ប្រជាជននៅអាស៊ី កម្មវិធីនេះមានគោលដៅស្វែងរកធុរកិច្ចបង្កើតថ្មីដែលជំរុញវឌ្ឍនភាពក្នុងការជំរុញចំណុចសំខាន់បីខាងក្រោម៖

• ភាពរឹងមាំផ្នែកហិរញ្ញវត្ថុរយៈពេលវែង៖ ដំណោះស្រាយដែលលើកកម្ពស់ការធ្វើផែនការហិរញ្ញវត្ថុកាន់តែប្រសើរឡើងក្នុងរយៈពេលវែង។

• ការយកចិត្តទុកដាក់លើការថែទាំសុខភាព៖ ដំណោះស្រាយដែលពង្រីកលទ្ធភាពទទួលបានការថែទាំសុខភាព ជួយមនុស្សគ្រប់វ័យក្នុងការថែរក្សាសុខុមាលភាពទាំងផ្លូវកាយ និងផ្លូវចិត្ត។

• ការរស់ក្នុងជីវិតប្រកបដោយអត្ថន័យ៖ ដំណោះស្រាយដែលជួយពង្រីកសក្តានុពលរបស់បុគ្គលផ្ទាល់ និងវិជ្ជាជីវៈសម្រាប់មនុស្សគ្រប់ស្រទាប់តាមរយៈការបណ្ដុះចំណេះជំនាញ និងការចូលរួមក្នុងសហគមន៍។

អ្នកឈ្នះការប្រកួតនេះនឹងត្រូវបានជ្រើសរើសសម្រាប់វគ្គដំបូងដោយទទួលបានការទទួលស្គាល់ ឱកាសទទួលបានជំនួយ និងអត្ថប្រយោជន៍ផ្សេងទៀតផងដែរ ក្នុងនោះអ្នកឈ្នះចំនួន 10នាក់ នឹងត្រូវបានជ្រើសរើសហើយ មេនូឡាយហ្វ៍ នឹងផ្ដល់រង្វាន់ជាទឹកប្រាក់ 200,000 ដុល្លារកាណាដាសម្រាប់ជ័យលាភី 3 ក្រុម ។

លោក John Dutton ប្រធាន វេទិកាសេដ្ឋកិច្ចពិភពលោកបានមានប្រសាសន៍ថា៖ "ការជំរុញនវានុវត្តន៍ដំណាក់កាលដំបូងគឺជាគន្លឹះក្នុងការកែប្រែបញ្ហាប្រឈមនៃបម្រែបម្រួលប្រជាសាស្រ្តនៅអាស៊ីទៅជាឱកាសសម្រាប់ប្រជាជននៅទូទាំងតំបន់"។ UpLink ក្រោមកិច្ចសហការជាមួយមជ្ឈមណ្ឌលវេទិកាហិរញ្ញវត្ថុ និងប្រព័ន្ធរូបិយវត្ថុ មានមោទនភាពក្នុងការជំរុញការផ្ដោតសំខាន់លើទីឃាយភាពជាមួយ មេនូឡាយហ្វ៍ តាមរយៈកម្មវិធីប្រកួតប្រជែង "ការជំរុញនវានុវត្តន៍សម្រាប់អនាគតប្រជាសាស្រ្តនៅអាស៊ី" និងតាមរយៈគំនិតផ្ដួចផ្ដើមបង្កើនការចូលរួមដ៏ពិសេសក្នុងការលើកម្ពស់ធុរកិច្ចបង្កើតថ្មី ដែលជំរុញការកសាងអនាគតហិរញ្ញវត្ថុដ៏រឹងមាំ ការយកចិត្តទុកដាក់លើការថែទាំសុខភាព និងការរស់ក្នុងជីវិតប្រកបដោយអត្ថន័យ។

ជាផ្នែកមួយនៃភាពជាដៃគូរយៈវែង ក្រុមហ៊ុន មេនូឡាយហ្វ៍ និងUplink ដែលបានប្រកាសជាផ្លូវការលើកដំបូងកាលពីឆ្នាំមុន នេះគឺជាឆ្នាំទី​ 2 ក្នុងចំណោមការប្រកួតសរុប 3 វគ្គ ដែលត្រូវបានបង្កើតឡើងដើម្បីជួយរៀបចំតម្រង់ទិសនៃអនាគត  និងការវិនិយោគ លើការជំរុញភាពយូរអង្វែងនៃនវានុវត្តន៍។ អ្នកឈ្នះទាំង 10នាក់ក្នុងការប្រកួតកាលពីឆ្នាំ 2024  ‘Prospering in Longevity Challenge’ ត្រូវបានប្រកាសនៅក្នុងខែតុលា ហើយប្រធានបទថ្មីនឹងត្រូវបានបន្តធ្វើការជ្រើសរើសសម្រាប់ការប្រកួតប្រជែងលើកទីបីនៅឆ្នាំ 2026។

សម្រាប់ព័ត៌មានលម្អិតអំពីកម្មវិធីប្រកួតប្រជែង "ការជំរុញនវានុវត្តន៍សម្រាប់អនាគតប្រជាសាស្រ្តនៅអាស៊ី" និងព័ត៏មានលម្អិតពីលក្ខខណៈវិនិច្ឆ័យ លោកអ្នកអាចរកបានតាមរយៈតំណនេះ ។ ថ្ងៃផុតកំណត់នៃការដាក់ពាក្យគឺថ្ងៃទី 28 ខែមេសា ឆ្នាំ 2025។

កម្មវិធីប្រកួតនេះដើរស្របគ្នាយ៉ាងល្អឥតខ្ចោះទៅនឹងបេសកកម្មជាសកលរបស់យើង Manulife Impact Agenda ដែលផ្ដោតសំខាន់លើគោលការណ៍កសាង និងពង្រឹងទីឃាយភាពតាមរយៈការចូលរួមចំណែក និងគំនិតផ្ដួចផ្ដើមនានាទាក់ទងនឹងសង្គម និងបរិស្ថានទៅលើផ្នែកណាដែលយើងមានលទ្ធភាពក្នុងការផ្លាស់ប្ដូរឱ្យកាន់តែប្រសើរ។

ដើម្បីស្វែងយល់បន្ថែមអំពីបេសកកម្មជាសកលរបស់យើង Manulife Impact Agenda សូមចូលទៅកាន់ manulife.com/impact។