តើអ្វីទៅជាវិធីសាស្រ្តឆ្លាតវៃក្នុងការសម្រេចក្តីស្រមៃកូនទៅសិក្សានៅបរទេស?
ដើម្បីជួយលោកអ្នកសម្រេចក្ដីស្រមៃបញ្ជូនកូនទៅសិក្សានៅបរទេស យើងមានការផ្តល់ជូនពិសេសសម្រាប់លោកអ្នកជ្រើសរើស
ការសិក្សានៅបរទេស គឺជាឱកាសដ៏ល្អបំផុតមួយក្នុងការត្រួសត្រាយផ្លូវដល់បុត្រធីតាលោកអ្នក ដើម្បីការអភិវឌ្ឍន៍ខ្លួន ពង្រឹងចំណេះដឹង ដោយទទួលបានមកពីការអប់រំខ្ពស់ស្របតាមស្តង់ដារអន្តរជាតិ។ ការផ្ដល់ឱកាសដល់កូនលោកអ្នកទៅបន្តការសិក្សានៅបរទេសប្រទេស គឺជាការវិនិយោគលើអនាគតរបស់ពួកគេ មិនតែប៉ុណ្ណោះ ក៏ជាផ្នែកមួយជួយជំរុញឱ្យពួកគេបណ្តុះគំនិត និងទស្សនៈថ្មីៗ ស្វែងយល់ពីវប្បធម៌ដ៏ទៃ និងពង្រឹងសមត្ថភាពភាសាបរទេសរបស់ពួកគេថែមទៀតផង។ លើសពីនេះទៅទៀត ការសិក្សានៅបរទេស ជាមធ្យោបាយដ៏ល្អមួយក្នុងការបង្កើតទំនាក់ទំនងជាសកល សម្រាប់អាជីពក្នុងថ្ងៃអនាគត។
ជាការពិតណាស់ ការបញ្ជូនកូនរបស់លោកអ្នកទៅបន្តការសិក្សានៅបរទេសទាមទារឱ្យឪពុកម្តាយ ឬអាណាព្យាបាល រៀបចំផែនការណ៍ហិរញ្ញវត្ថុច្បាស់លាស់ក្នុងរយៈពេលជាក់លាក់ណាមួយដើម្បីធ្វើឲ្យក្តីស្រមៃរបស់កូនក្លាយជាការពិត។ ខាងក្រោមនេះ គឺជាវិធីសាស្ត្រមួយចំនួនដែលអាចជួយសម្រេចបំណងលោកអ្នក និងកូន៖
- ស្វែងរកសាលា ឬប្រទេសដែលមានតម្លៃសមរម្យ៖ មុនពេលរៀបចំផែនការហិរញ្ញវត្ថុ ឪពុកម្តាយ ឬអាណាព្យាបាល គួរពិចារណាទៅលើប្រទេសដែលចង់បញ្ជូនកូនទៅបន្តការសិក្សានោះជាមុនសិន។ បន្ទាប់មកធ្វើការសិក្សាពីការចំណាយក្នុងការស់នៅ និងការចំណាយក្នុងសិក្សានៅប្រទេសនោះឱ្យច្បាស់ ដើម្បីដឹងពីលទ្ធភាពក្នុងការកំណត់ចំនួនថវិកាដែលត្រូវសន្សំ។
2. ស្វែងយល់អំពីតម្លៃសិក្សា និងការចំណាយ៖ ការចំណាយលើការសិក្សា និងរស់នៅក្រៅប្រទេស មានភាពខុសៗគ្នាទៅតាមបណ្ដាប្រទេសនីមួយៗ ដូច្នេះឪពុកម្តាយ ឬអាណាព្យាបាល គួរដឹងអំពីការចំណាយក្នុងប្រទេសដែលលោកអ្នក និងកូនបានជ្រើសរើស ទើបអាចដឹងថា ចំនួនថវិកាដែលត្រូវសន្សំប៉ុន្មាន ដែលសមាមាត្រជាមួយនឹងការចំណាយជាក់ស្ដែងនៅប្រទេសនោះ។
3. រៀបចំផែនការហិរញ្ញវត្ថុ៖ ដើម្បីសម្រេចគោលដៅសន្សំសម្រាប់បញ្ជូនកូនទៅបន្តការសិក្សានៅបរទេស ឪពុកម្តាយ ឬអាណាព្យាបាល អាចពិចារណាអំពីជំហានក្នុងការចាប់ផ្ដើមសំខាន់ៗទាំងនេះដូចជា៖
- កំណត់ចំនួនដែលជាគោលដៅសន្សំ
- បង្កើតកញ្ចប់ថវិកាសម្រាប់ចាប់ផ្តើមសន្សំពីឥឡូវនេះបន្ទិចម្ដងៗទៅតាមលិទ្ធភាពដែលធ្វើទៅបាន
- តាមដានរាល់ចំណូល និងចំណាយដើម្បីជៀសវាសប៉ះពាល់ដល់កញ្ចប់សន្សំ
- ប្រើប្រាស់កញ្ជប់សន្សំនោះសម្រាប់វិនិយោគយកប្រាក់ចំណេញពីការប្រាក់ (Fixed Deposit)
4. ស្វែងរកអាហារូបករណ៍៖ ការទទួលបានអាហារូបករណ៍ ទៅបន្តការសិក្សានៅបរទេសក៏ជាមធ្យោបាយដ៏ល្អបំផុតមួយ ក្នងការជួយសម្រួលបន្ទុក រាល់ការចំណាយផ្សេងៗ ក៏ដូចជាការរស់នៅ និងសិក្សាក្រៅប្រទេសផងដែរ។
5. ស្វែងរកភ្នាក់ងារប្រឹក្សាយោបល់៖ ការស្វែងរកអ្នកប្រឹក្សាយោបល់ដើម្បីបញ្ជូនកូនសិក្សានៅបរទេសគឺជារឿងសំខាន់ណាស់ ជាពិសេសសម្រាប់ ឪពុកម្តាយ ឬអាណាព្យាបាលដែលមិនធ្លាប់បញ្ជូនកូនទៅសិក្សានៅក្រៅប្រទេសកន្លងមក ដើម្បីស៊ើបសួររាល់ព័ត៌មានផ្សេងៗអំពីការរស់នៅ និងការសិក្សាដើម្បីរៀបចំរាល់ឯកសារតម្រូវ។ ដូច្នេះសូមស្វែងរកភ្នាក់ងារពិគ្រោះយោបល់ដែលអាចទុកចិត្តបាន និងទំនួលខុសត្រូវ ដោយគុណភាព។
គួររំលឹកផងដែលថា ការបញ្ជូនកូនរបស់អ្នកទៅបន្តសិក្សានៅបរទេស គឺជាការវិនិយោគដ៏មានតម្លៃបំផុតសម្រាប់អនាគតរបស់ពួកគេ ហេតុនេះហើយតាមរយៈវិធីសាស្រ្តទាំង ៥ ខាងលើ យើងសង្ឃឹមថាវានឹងអាចជាប្រយោជន៍ដើម្បីជួយឪពុកម្តាយ ឬអាណាព្យាបាលគ្រប់រូបសម្រេចបាននូវក្ដីស្រមៃរបស់កូនៗទៅសិក្សានៅបរទេសឱ្យក្លាយជាពិត៕
គន្លឹះសុខភាព
ដើម្បីការរស់នៅប្រកបដោយសុខភាពល្អប្រសើរ!
គន្លឹះហិរញ្ញវត្ថុ
ដើម្បីការរៀបចំហិរញ្ញវត្ថុដ៏ឆ្លាតវៃ!
ត្រូវការជំនួយ?
ទូរស័ព្ទមកកាន់ 1800 211 211 (ឥតគិតថ្លៃ)
តើបច្ចុប្បន្នលោកអ្នកជាអតិថិជន មេនូឡាយហ្វ៍ ឬនៅ?