សេចក្តីលម្អិតនៃផលិតផល និងលក្ខខណ្ឌនៃកិច្ចសន្យាធានារ៉ាប់រង
Manulife សុខសប្បាយ
កញ្ចប់ សុខសុខដុម 2.5
កម្មវត្ថុនៃការធានា
Manulife សុខសប្បាយ (សុខដុម 2.5) គឺជាផលិតផលធានារ៉ាប់រងអាយុជីវិត ដែលត្រូវបានធានារួមមាន មរណភាព ពិការភាពទាំងស្រុង និងពិការភាពអវយវៈដែលបណ្តាលមកពីគ្រោះថ្នាក់ចៃដន្យ។
1. អាយុដែលទទួលបានការធានា (Eligible)
• អ្នកត្រូវបានធានារ៉ាប់រង: អាយុចាប់ពី 18 ឆ្នាំ ទៅ 65 ឆ្នាំ
2. ការបង់បុព្វលាភធានារ៉ាប់រង (Premium Payment)
ការបង់បុព្វលាភធានារ៉ាប់រង (Premium Payment)
ការបង់បុព្វលាភធានារ៉ាប់រង សំដៅដល់ការបង់បុព្វលាភធានារ៉ាប់រងដូចបានកំណត់នៅក្រោមផ្នែក “ជម្រើសបង់បុព្វលាភធានារ៉ាប់រង” នៃវិញ្ញាបនបត្រធានារ៉ាប់រង។
ជម្រើសបង់បុព្វលាភធានារ៉ាប់រងគឹ “ប្រចាំឆ្នាំ”។ ដោយឡែកចំពោះជម្រើសបង់បុព្វលាភធានារ៉ាប់រង “ប្រចាំឆមាស“ “ប្រចាំត្រីមាស” និង“ប្រចាំខែ” នឹងត្រូវបានផ្តល់ជូនក្នុងករណីមានការស្នើសុំពិសេសពីម្ចាស់បណ្ណសន្យារ៉ាប់រង។
រយៈពេលអនុគ្រោះ (Grace Period)
មិនត្រូវបានអនុវត្ត
ការផ្តល់សុពលភាពសារជាថ្មីឡើងវិញ (Policy Reinstatement)
មិនត្រូវបានអនុវត្ត
3. អត្ថប្រយោជន៍នៃការធានា (Insurance Benefits)
អត្ថប្រយោជន៍សុខដុម (ករណីគ្រោះថ្នាក់ចៃដន្យ)
ប្រសិនបើអត្ថប្រយោជន៍ សុខដុម ត្រូវបានជ្រើសរើស នោះអត្ថប្រយោជន៍ខាងក្រោមនេះនឹងត្រូវទូទាត់ជូនក្នងករណីគ្រោះថ្នាក់ចៃដន្យដែលពាក់ព័ន្ធនឹងអ្នកត្រូវបានធានារ៉ាប់រង ដូចបានចែងក្នុងនិយមន័យខាងលើ។
ប្រាក់សំណងករណីមរណភាព ឬ ពិការភាពទាំងស្រុងបណ្ដាលមកពីគ្រោះថ្នាក់ចៃដន្យ
ស្ថិតក្រោមបណ្ណសន្យារ៉ាប់រងនេះ ក្រុមហ៊ុននឹងធ្វើការទូទាត់ប្រាក់សំណងករណីមរណភាព ឬ ប្រាក់សំណងករណីពិការភាពទាំងស្រុងចំពោះករណីមរណភាព ឬ ពិការភាពទាំងស្រុងរបស់អ្នកត្រូវធានារ៉ាប់រង (ករណីណាមួយដែលកើតឡើងមុន) បន្ទាប់ពីបានទទួលភស្តុតាងត្រឹមត្រូវ និងការអនុម័តយល់ព្រមពីក្រុមហ៊ុនដែលបញ្ជាក់ពីមរណភាព ឬ ពិការភាពទាំងស្រុងរបស់អ្នកត្រូវធានារ៉ាប់រងដូចដែលបានចែងក្នុងនិយមន័យនៃមរណភាពបណ្តាលមកពីគ្រោះថ្នាក់ចៃដន្យ ឬ ពិការភាពទាំងស្រុងបណ្តាលមកពីគ្រោះថ្នាក់ចៃដន្យក្នុងនិយមន័យ។ ប្រាក់សំណងករណីមរណភាពនឹងត្រូវបានផ្តល់ជូនទៅអ្នកទទួលផល ចំណែកឯប្រាក់សំណងករណីពិការភាពទាំងស្រុងនឹងត្រូវបានផ្តល់ជូនទៅអ្នកត្រូវបានធានារ៉ាប់រង។
ប្រាក់សំណងករណីមរណភាព ឬ ប្រាក់សំណងករណីពិការភាពទាំងស្រុងបណ្ដាលមកពីគ្រោះថ្នាក់ចៃដន្យគឺជា
· ចំនួនទឹកប្រាក់ដូចមានចែងនៅលើវិញ្ញាបនបត្រធានារ៉ាប់រង ឬ ដូចដែលបានឯកភាពតាមកិច្ចសន្យាបន្ថែមនៃបណ្ណសន្យារ៉ាប់រង
· ដកបុព្វលាភធានារ៉ាប់រងដំបូងដែលមិនទាន់បង់បង្គរជាមួយការប្រាក់
ការបញ្ជាក់ពីពិការភាពទាំងស្រុងត្រូវតែធ្វើឡើងដោយអ្នកអនុវត្តផ្នែកវេជ្ជសាស្រ្ត/គ្រូពេទ្យ/វេជ្ជបណ្ឌិត ដែលមានការចុះបញ្ជីត្រឹមត្រូវ និងទទួលការតែងតាំងដោយក្រុមហ៊ុន។ យោបល់សន្និដ្ឋានរបស់អ្នកអនុវត្តផ្នែក
វេជ្ជសាស្រ្ត/គ្រូពេទ្យ/វេជ្ជបណ្ឌិតដែលមានការចុះបញ្ជីត្រឹមត្រូវនេះនឹងចងភ្ជាប់កាតព្វកិច្ចដល់អ្នកត្រូវបានធានារ៉ាប់រង និងក្រុមហ៊ុន។ ក្នុងករណីបាត់បង់ដៃ ឬ ជើង ការបញ្ជាក់ពីពិការភាពនេះអាចធ្វើឡើងបាននៅពេលណាក៏បាន។
4. ករណីមិនធានា (Exclusion)
ប្រាក់សំណងករណីមរណភាព ឬ ប្រាក់សំណងករណីពិការភាពទាំងស្រុងបណ្តាលមកពីគ្រោះថ្នាក់ចៃដន្យក្រោម បណ្ណសន្យារ៉ាប់រងនេះនឹងមិនត្រូវបានផ្តល់ជូនឡើយប្រសិនបើហេតុការណ៍ដែលបានធានាត្រូវបានកើតឡើងទោះជាដោយផ្ទាល់ ឬមិនផ្ទាល់ក្តីដោយសារមូលហេតុដូចខាងក្រោម៖
· អ្នកត្រូវបានធានារ៉ាប់រងធ្វើអត្តឃាត ឬ ប៉ុនប៉ងធ្វើអត្តឃាត ឬ មានចេតនាបង្ករបួសដោយខ្លួនឯង បើទោះជាអ្នកត្រូវបានធានារ៉ាប់រងមានសតិល្អធម្មតា ឬ មិនល្អក្តី។
· អ្នកត្រូវបានធានារ៉ាប់រងទទួលមរណភាព ឬ ពិការភាពទាំងស្រុងដោយសារការប្រព្រឹត្តិ ឬ ប៉ុនប៉ងប្រព្រឹត្តិបទល្មើសព្រហ្មទណ្ឌណាមួយ ទោះបីជាផ្ទាល់ ឬមិនផ្ទាល់ក្តី ដោយម្ចាស់បណ្ណសន្យារ៉ាប់រង អ្នកត្រូវបានធានារ៉ាប់រង ឬ អ្នកទទួលផល។ អ្នកទទួលផលដែលមិនពាក់ព័ន្ធនឹងបទល្មើសព្រហ្មទណ្ឌនេះនឹងនៅតែមានសិទ្ធិទទួលបានផលប្រយោជន៍របស់ខ្លួនដដែល។
· ការប្រើប្រាស់ឱសថគ្មានវេជ្ជបញ្ជា សារជាតិស្រវឹង ថ្នាំពុល ឧស្ម័ន ឬ គ្រឿងញៀន ទោះក្នុងរូបភាពណាក៏ដោយ។
· ការបាត់បង់ទាំងឡាយចំពោះអ្នកត្រូវបានធានារ៉ាប់រង ក្នុងពេលតបតប្រឆាំងនឹងការចាប់ខ្លួនពីមន្រ្តី អនុវត្តច្បាប់ ឬ ប្រព្រឹត្តល្មើសក្នុងការទទួលទានជាតិស្រវឹង និង/ឬ ការបើកបរលើសល្បឿនកំណត់ដូចដែលបានបញ្ញត្ដិដោយច្បាប់ចរាចរណ៍ដែលមានប្រសិទ្ធភាពអនុវត្ត ខណ:ដែលមានគ្រោះថ្នាក់នោះ។
· ភាពចុះខ្សោយ ឬ រោគ ឬ ជំងឺប្រភេទណាក៏ដោយទាំងខាងផ្លូវកាយ ឬ ផ្លូវចិត្ត ឬ ជំងឺបង្កដោយការឆ្លងមេរោគណាក៏ដោយក្រៅពីការឆ្លងរោគដែលកើតឡើង ក្នុងពេលជាមួយគ្នានឹងការរងរបួសដោយសារគ្រោះថ្នាក់ចៃដន្យ ឬ បណ្ដាលមកពីរបួសដោយសារគ្រោះថ្នាក់ចៃដន្យណាមួយ។
· ការធ្វើដំណើរ ឬ ការហោះហើរ ក្នុងយានយន្តណាមួយ ឬ ដោយមធ្យោបាយណាមួយដែលនៅលើអាកាស លើកលែងតែជាអ្នកដំណើរធម្មតាលើយន្តហោះរបស់ក្រុមហ៊ុនអាកាសចរណ៍ដែល ប្រតិបត្តិការជាទៀងទាត់។
· ចូលរួមធ្វើផ្ទាល់ ឬ ចូលរួមចំណែកក្នុងការបើកបរ ឬ ជិះក្នុងការប្រណាំងប្រភេទណាក៏ដោយ ឬ សកម្មភាពមុជក្រោមទឹក ឬ ធ្វើសកម្មភាពណាដែលប្រកបដោយគ្រោះថ្នាក់ចៃដន្យ ដូចជាការឡើងភ្នំ ឬ ការចូលក្នុងរូងភ្នំ ឬ ការជិះឆ័ត្រយោង ឬ ការលោតពីទីខ្ពស់។
· មុខរបរ ឬការងារដែលមិនត្រូវបានរាប់បញ្ចូលរួមមានចំពោះអត្ថប្រយោជន៍ សុខដុម ៖ អ្នកដឹកជញ្ជូនទំនិញតាមម៉ូតូ (កង់ពីរ) កម្មករនៅការដ្ឋានសាងសង់ជាអ្នកបញ្ជាម៉ាស៊ីន ឬបើកបរ ត្រាក់ទ័រ អេស្កាវ៉ាទ័រ ឡានរុញ/ចូកដី រ៉ូឡូ ម៉ាស៊ីនស្ទូច ម៉ាស៊ីនបុកគ្រឹះ ជាងជណ្តើរយន្ត ជាងតបណ្តាញអគ្គិសនី កម្មករផ្នែកខួង កម្មករបំផ្លាញអាគារ កម្មករកាប់ដើមឈើ កម្មករធ្វើការនៅទីខ្ពស់ជាង ៩ម៉ែត្រអ្នកនេសាទ កម្មករធ្វើការនៅសមុទ្រ កម្មករធ្វើការក្នុងរណ្តៅ/ក្រោមដី កម្មករលើកដាក់ទំនិញ អ្នកបញ្ជាម៉ាស៊ីន ឬបើកបរឡានលើកដាក់ទំនិញតាមកំពង់ផែ ភ្នាក់ងារសន្តិសុខនៅក្លឹបរាត្រី បារ ឬធនាគារ អ្នកសំដែងឈុតគ្រោះថ្នាក់ អ្នកបោសសម្អាតតាមផ្លូវ អ្នកថែទាំសួនសត្វ អ្នកបំផ្ទុះ ភ្នាក់ងារស៊ើបអង្កេត កងកម្លាំងសណ្តាប់ធ្នាប់រដ្ឋាភិបាល (កងកម្លាំងប្រដាប់អាវុធ និងនគរបាល)។
· នៅពេលដែលអ្នកត្រូវបានធានារ៉ាប់រងមានមុខរបរ ឬការងារ ២ ឬ ច្រើនជាងនេះដែលក្នុងនោះមានមុខរបរ ឬការងារយ៉ាងតិចមួយជាមុខរបរ ឬការងារមិនបានរាប់បញ្ចូលខាងលើ ហើយហេតុការណ៍គ្រោះថ្នាក់នេះបានកើតឡើងខណៈកំពុងបំពេញភារកិច្ចរបស់ខ្លួនក្រោមមុខរបរ ឬការងារមិនបានរាប់បញ្ចូលខាងលើ។
· សង្រ្គាម ឬ អំពើណាមួយដែលមានលក្ខណៈដូចគ្នានឹងសង្រ្គាមទោះជាប្រកាស ឬ មិនប្រកាស ឬ កុបកម្ម ការបះបោរ ចលាចលសង្គម កូដកម្ម ការវាយប្រហារដោយសកម្មភាពភេវរជន ទោះបីជាអ្នកត្រូវបានធានាអាយុជីវិតបានចូលរួម ឬ មិនចូលរួមក្នុងអំពើទាំងនោះក៏ដោយ។
· ស្ថានភាព ឬ ជំងឺមានពីមុនស្រាប់ និង បញ្ហាផ្សេងៗទៀតដែលកើតឡើងដោយសារស្ថានភាព ឬ ជំងឺដែលមានពីមុនស្រាប់ ដែលកើតឡើងមុន កាលបរិច្ឆេទបណ្ណសន្យារ៉ាប់រងចាប់ផ្តើមមានសុពលភាព។ "ស្ថានភាពមុនមានស្រាប់" គឺជាពិការភាពមួយដែលត្រូវបានសង្កេតឃើញថាបានពិនិត្យ រោគវិនិច្ឆ័យ ឬព្យាបាល ឬកើតមុនកាលបរិច្ឆេទជាក់លាក់ណាមួយ។
· ការមានផ្ទៃពោះ សម្រាលកូន រលូតកូន ឬ រំលូតកូន និងបញ្ហាណាមួយដែលកើតចេញពីស្ថានភាពវេជ្ជសាស្រ្ត។
5. រយៈពេលពិចារណាលើកចុងក្រោយ (Free Look Period)
មិនត្រូវបានអនុវត្ត
6. ការផ្សះផ្សាវិវាទ Dispute Mediation
•នីតិវិធីដោះស្រាយបណ្តឹងអតិថិជន (Complaint Procedures)
រាល់វិវាទដែលក្រុមហ៊ុនបានទទួល នឹងត្រូវលើកឡើងសម្រាប់ដោះស្រាយ និងវិភាគក្នុងរយៈពេលប្រាំ (5) នៃថ្ងៃធ្វើការ ដើម្បីកំណត់ពីមូលហេតុ និងវិធានការដែលនឹងត្រូវអនុវត្តឱ្យបានត្រឹមត្រូវ ស្របតាមនីតិវិធីស្តង់ដារបស់ក្រុមហ៊ុន។
•នីតិវិធីនៃការផ្សះផ្សាវិវាទ (Dispute Resolutions)
ចំពោះគ្រប់វិវាទនៃកិច្ចសន្យាធានារ៉ាប់រងនេះ ដែលពាក់ព័ន្ធនឹងអាជីវកម្មធានារ៉ាប់រង ភាគីណាមួយនៃភាគីវិវាទអាចនាំយកវិវាទទៅជូននិយ័តករធានារ៉ាប់រងកម្ពុជា ដើម្បីសម្រុះសម្រួលធ្វើការផ្សះផ្សាវិវាទមុននឹងប្ដឹងទៅវេទិកាមជ្ឈត្តកម្ម ឬតុលាការមានសមត្ថកិច្ចលើកលែងតែរឿងព្រហ្មទណ្ឌ។
7. លក្ខខណ្ឌមិនអាចតវ៉ាបាន (Incontestability)
មិនត្រូវបានអនុវត្ត
8. ការបញ្ចប់កិច្ចសន្យាធានារ៉ាប់រង (Termination)
ម្ចាស់បណ្ណសន្យារ៉ាប់រងមានសិទ្ធិបញ្ចប់បណ្ណសន្យារ៉ាប់រងនេះនៅពេលណាមួយក៏បានក្នុងរយៈពេលធានារ៉ាប់រងនៃបណ្ណសន្យារ៉ាប់រង តាមរយៈការផ្ញើសំណើសុំបញ្ចប់បណ្ណសន្យារ៉ាប់រងជាលាយលក្ខណ៍អក្សរទៅកាន់ក្រុមហ៊ុនដោយភ្ជាប់ជាមួយនូវកិច្ចសន្យាធានារ៉ាប់រង ឬ វិញ្ញាបនបត្រធានារ៉ាប់រងទម្រង់អេឡិចត្រូនិច។ បន្ទាប់ពីក្រុមហ៊ុនទទួលបានសំណើសុំបញ្ចប់បណ្ណសន្យារ៉ាប់រង នោះបណ្ណសន្យារ៉ាប់រងនឹងត្រូវបញ្ចប់។
9. ដំណើរការនៃការទាមទារសំណង (How to claim)
តើលោកអ្នកកំពុងស្វែងយល់ពីដំណើរការនៃការទាមទារសំណងមែនទេ? ចុចទីនេះ:
https://www.manulife.com.kh/en/services/claims.html, ឬ ទូរស័ព្ទទៅលេខ 1800 211 211 ដោយ
ឥតគិតថ្លៃ