ប្រាក់បញ្ញើមានកាលកំណត់ជាមួយ ធានារ៉ាប់រងអាយុជីវិត និងគ្រោះថ្នាក់

ប្រាក់សំណងករណីមរណភាព

ប្រាក់សំណងករណីមរណភាពនឹងមិនត្រូវបានផ្តល់ជូនឡើយ ប្រសិនបើមរណភាពរបស់សមាជិកបានកើតឡើងទោះជាដោយផ្ទាល់ ឬ មិនផ្ទាល់ក្តី (ទាំងស្រុង ឬផ្នែកខ្លះ) ដោយសារមូលហេតុដូចខាងក្រោម៖

1. សមាជិកធ្វើអត្តឃាត ឬ ប៉ុនប៉ងធ្វើអត្តឃាតក្នុងអំឡុងពេល ២ ឆ្នាំ គិតចាប់ពីកាលបរិច្ឆេទមានសុពលភាពនៃការធានារ៉ាប់រងរបស់សមាជិកបើទោះជាសមាជិកនោះមានសតិល្អធម្មតា ឬ មិនល្អក្ដី ឬ
2. ការទទួលមរណភាពរបស់សមាជិកបណ្ដាលមកពីការប្រព្រឹត្ត ឬប៉ុនប៉ងប្រព្រឹត្តបទល្មើសព្រហ្មទណ្ឌណាមួយ (ទោះបីជាផ្ទាល់ ឬ មិនផ្ទាល់ក្តី) ពីសំណាក់ម្ចាស់បណ្ណសន្យារ៉ាប់រង សមាជិក ឬ អ្នកទទួលផល។ អ្នកទទួលផលដែលមិនពាក់ព័ន្ធនឹងបទល្មើសព្រហ្មទណ្ឌនេះនឹងនៅតែមានសិទ្ធិទទួលបានចំណែកអត្ថប្រយោជន៍របស់ខ្លួនដដែល ឬ
3. សមាជិកបានទទួលមរណភាពបណ្ដាលមកពីជំងឺអេដស៍ (AIDS) ឬបញ្ហាណាមួយដែលទាក់ទងនឹងការឆ្លងមេរោគហ៊ីវ (HIV) ឬ
4. សមាជិកកំពុងស្ថិតនៅក្នុង ជួរកងទ័ព កងទ័ពជើងទឹក ឆ្មាំឆ្នេរសមុទ្រ ទ័ពអាកាស ឬអង្គការប៉ូលីសណាមួយ ឬ
5. ជំងឺ ឬស្ថានភាពដែលមានពីមុនស្រាប់ដែលកើតឡើងមុនកាលបរិច្ឆេទមានសុពលភាពនៃការធានារ៉ាប់រងរបស់សមាជិក។  ”ជំងឺ ឬស្ថានភាពមានពីមុនស្រាប់” គឺជាជំងឺ ឬរបួសដែលសមាជិកបានដឹងមុនបានតាមធម្មតា លុះត្រាតែសមាជិកបានប្រកាសលក្ខខណ្ឌទាំងនោះ និងត្រូវបានទទួលអនុម័តយល់ព្រមពីក្រុមហ៊ុន។ សមាជិកនឹងត្រូវបានចាត់ទុកថាបានយល់ដឹងមុនពី ជំងឺ ឬស្ថានភាពដែលមានពីមុនស្រាប់ ប្រសិនបើស្ថិតក្នុងលក្ខខណ្ឌណាមួយខាងក្រោម៖
   • សមាជិកបានទទួលការព្យាបាល ឬកំពុងទទួលការព្យាបាលពីគ្រូពេទ្យ
   • ការណែនាំវេជ្ជសាស្រ្ត ការធ្វើរោគវិនិច្ឆ័យ ការថែទាំ ឬការព្យាបាលត្រូវបានណែនាំ
   • រោគសញ្ញាច្បាស់លាស់និងជាក់លាក់ផ្សេងៗគ្នាបានបង្ហាញចេញ ឬកំពុងបង្ហាញចេញ
   • ស្ថានភាព ឬជំងឺដែលបានកើតឡើងមុនអាចមើលឃើញដោយបុគ្គលធម្មតាក្នុងកាលៈទេសៈនោះ។

ប្រាក់សំណងករណីពិការភាពទាំងស្រុង

ប្រាក់សំណងករណីពិការភាពទាំងស្រុងនឹងមិនត្រូវបានផ្តល់ជូនឡើយ  ប្រសិនបើពិការភាពទាំងស្រុងរបស់សមាជិករូបនោះទោះបី ជាកើតឡើងដោយផ្ទាល់ ឬមិនផ្ទាល់ក្តី (ទាំងស្រុង ឬ ផ្នែកណាមួយ) ដោយសារមូលហេតុណាមួយដូចខាងក្រោម៖

1. សមាជិកធ្វើអត្តឃាត ឬមានចេតនាបង្ករបួសដោយខ្លួនឯង បើទោះជាសមាជិកនោះមានសតិល្អធម្មតា ឬ មិនល្អក្តី​ ឬ
2. សមាជិកស្ថិតក្រោមឥទ្ធិពលជាតិស្រវឹង ឬប្រើប្រាស់ឱសថដែលមិនត្រូវបានចេញវេជ្ជបញ្ជាដោយអ្នកអនុវត្តផ្នែកវេជ្ជសាស្ត្រដែលមានការចុះឈ្មោះត្រឹមត្រូវ​ ឬ
3. សង្រ្គាម ឬ អំពើណាមួយដែលមានលក្ខណៈដូចគ្នានឹងសង្រ្គាមទោះជាប្រកាស ឬមិនប្រកាស ឬកុប្បកម្ម ការបះបោរ ចលាចលសង្គម កូដកម្ម ការវាយប្រហារដោយសកម្មភាពភេវរជន ទោះបីជាអ្នកត្រូវបានធានាអាយុជីវិតបានចូលរួម ឬមិនចូលរួមក្នុងអំពើទាំងនោះក៏ដោយ ឬ
4. ការប្រព្រឹត្ត ឬប៉ុនប៉ងប្រព្រឹត្តបទល្មើសព្រហ្មទណ្ឌណាមួយ (ទោះបីជាផ្ទាល់ ឬមិនផ្ទាល់ក្តី) ពីសំណាក់ម្ចាស់បណ្ណសន្យារ៉ាប់រង សមាជិក ឬ អ្នកទទួលផលប្រយោជន៍។ អ្នកទទួលផលប្រយោជន៍ដែលមិនពាក់ព័ន្ធនឹងបទល្មើសព្រហ្មទណ្ឌនេះនឹងនៅតែមានសិទ្ធិទទួលបានផលប្រយោជន៍របស់ខ្លួនដដែល ឬ
5. សមាជិកបានទទួលមរណភាពបណ្ដាលមកពីជំងឺអេដស៍ (AIDS) ឬ បញ្ហាណាមួយដែលទាក់ទងនឹងការឆ្លងមេរោគហ៊ីវ (HIV) ឬ
6. សមាជិកកំពុងស្ថិតនៅក្នុង ជួរកងទ័ព កងទ័ពជើងទឹក ឆ្មាំឆ្នេរសមុទ្រ ទ័ពអាកាស ឬអង្គការប៉ូលីសណាមួយ ឬ
7. ជំងឺ ឬស្ថានភាពដែលមានពីមុនស្រាប់ដែលកើតឡើងមុនកាលបរិច្ឆេទមានសុពលភាពនៃការធានារ៉ាប់រងរបស់សមាជិក។  ”ជំងឺ ឬស្ថានភាពមានពីមុនស្រាប់” គឺជាជំងឺ ឬរបួសដែលសមាជិកបានដឹងមុនបានតាមធម្មតា លុះត្រាតែសមាជិកបានប្រកាសលក្ខខណ្ឌទាំងនោះ និងត្រូវបានទទួលអនុម័តយល់ព្រមពីក្រុមហ៊ុន។ សមាជិកនឹងត្រូវបានចាត់ទុកថាបានយល់ដឹងមុនពី ជំងឺ ឬស្ថានភាពដែលមានពីមុនស្រាប់ ប្រសិនបើស្ថិតក្នុងលក្ខខណ្ឌណាមួយខាងក្រោម៖
   • សមាជិកបានទទួលការព្យាបាល ឬកំពុងទទួលការព្យាបាលពីគ្រូពេទ្យ
   • ការណែនាំវេជ្ជសាស្រ្ត ការធ្វើរោគវិនិច្ឆ័យ ការថែទាំ ឬការព្យាបាលត្រូវបានណែនាំ
   • រោគសញ្ញាច្បាស់លាស់និងជាក់លាក់ផ្សេងៗគ្នាបានបង្ហាញចេញ ឬកំពុងបង្ហាញចេញ
   • ស្ថានភាព ឬជំងឺដែលបានកើតឡើងមុនអាចមើលឃើញដោយបុគ្គលធម្មតាក្នុងកាលៈទេសៈនោះ។