ករណីមិនធានា

ក្រុមហ៊ុនមិនមានកាតព្វកិច្ចទូទាត់សំណងក្រោមខ និងលក្ខខណ្ឌបន្ថែមនេះឡើយ ប្រសិនបើហេតុការណ៍ដែលបានធានាបានកើតឡើង ទោះជាផ្ទាល់ ឬ មិនផ្ទាល់ក្តី ដោយសារកត្តាណាមួយដូចខាងក្រោម៖

1.    ស្ថានភាព ឬ ជំងឺមានពីមុនស្រាប់ និង បញ្ហាផ្សេងៗទៀតដែលកើតឡើងដោយសារស្ថានភាព ឬ ជំងឺដែលមានពីមុនស្រាប់ ឬ

2.    ការសម្រាកព្យាបាលនៅមន្ទីរពេទ្យសម្រាប់លក្ខខណ្ឌជំងឺ ឬ របួស ឬ ចំនួនថ្ងៃនៃការសម្រាកព្យាបាលនៅមន្ទីរពេទ្យណាដែលមិនមែនជាភាពចាំបាច់ផ្នែកវេជ្ជសាស្រ្ត ដែលត្រូវបានកំណត់ដោយក្រុមហ៊ុន ឬ

3.    រាល់ការព្យាបាល ឬ វះកាត់ទាំងឡាយណាដែលធ្វើឡើងដោយសារមូលហេតុភាពមិនប្រក្រតីពីកំណើត ឬ ការខូចទ្រង់ទ្រាយពីកំណើតនៃរូបរាងកាយទាំងផ្នែកខាងក្នុង ឬ ខាងក្រៅ ដោយរាប់បញ្ចូលទាំងជំងឺតំណពូជ ឬ

4.    ការមានផ្ទៃពោះ ឬ បញ្ហាផ្សេងៗទៀតដែលកើតឡើងដោយសារការមានផ្ទៃពោះ ឬ 

5.    ការមើលថែទាំដែលមានលក្ខណៈឯកជន ការសម្រាកព្យាបាល ឬ ការថែទាំនៅផ្ទះ ការប្រើប្រាស់ថ្នាំញៀន ការពុល ភាពអារ (មិនមានកូន) ជំងឺកាមរោគ និងផលវិបាករបស់វា ជំងឺអេដស៍ (ភាពចុះខ្សោយនៃប្រព័ន្ធភាពស៊ាំ) ឬ ជំងឺដែលទាក់ទងជំងឺអេដស៍ និងមេរោគហ៊ីវ និងជំងឺឆ្លងទាំងទ្បាយណាតម្រូវឲ្យនៅដាច់ពីគេតាមច្បាប់ ឬ

6.    ជំងឺផ្លូវចិត្ត វិបត្តិផ្លូវចិត្ត ឬ ជំងឺភ័យខ្លាច (រួមមានជំងឺសរសៃប្រសាទ ជំងឺវិកលចរិត និង ទាក់ទងចិត្តសារីរសាស្រ្ត ឬ អាការៈរោគចិត្តដែលស្តែងចេញពីសរីរផ្លូវចិត្ត) ឬ

7.    ការហោះហើរជាឯកជនដែលមិនមែនជាការហោះហើរបង់ប្រាក់ធម្មតាជាមួយក្រុមហ៊ុនអាកាសចរណ៍ទូទៅ ឬ

8.    ការធ្វើអត្តឃាត ឬ ប៉ុនប៉ងធ្វើអត្តឃាត ឬ ការធ្វើឲ្យមានរបួសដោយចេតនា បើទោះជាមានសតិល្អធម្មតា ឬ មិនល្អក្តី ឬ

9.    ការប្រព្រឹត្ត ឬ ប៉ុនប៉ងប្រព្រឹត្តបទល្មើសព្រហ្មទណ្ឌណាមួយដោយម្ចាស់បណ្ណសន្យារ៉ាប់រង អ្នកត្រូវបានធានារ៉ាប់រង ឬ អ្នកទទួលផល ឬ

10.    សង្រ្គាម ឬ អំពើណាមួយដែលមានលក្ខណៈដូចគ្នានឹងសង្រ្គាមទោះជាប្រកាស ឬ មិនប្រកាស ឬ កុបកម្ម ការបះបោរ ចលាចលសង្គម កូដកម្ម ការវាយប្រហារដោយសកម្មភាពភេវរជន ទោះបីជាអ្នកត្រូវបានធានារ៉ាប់រងបានចូលរួម ឬ មិនចូលរួមក្នុងអំពើទាំងនោះក៏ដោយ។