គណៈគ្រប់គ្រងប្រតិបត្តិ

លោកស្រី May គឺជាសមាជិកានៃវិទ្យាស្ថាន និងមហាវិទ្យាល័យ​ការវិភាគហានិភ័យ (Institute and Faculty of Actuaries UK (FIA) នៅចក្រភពអង់គ្លេស។ លោកស្រី​បញ្ចប់ការសិក្សាថ្នាក់អនុបណ្ឌិតផ្នែកវិទ្យាសាស្រ្តការវិភាគហានិភ័យ ពីសាលាពាណិជ្ជកម្ម Cass នៅទីក្រុងឡុងដ៍ និងអនុបណ្ឌិតផ្នែកវិទ្យាសាស្ត្រវិស្វកម្ម​ពីសាកលវិទ្យាល័យ New South Wales នៅទីក្រុងស៊ីដនី ប្រទេសអូស្ត្រាលី។

លោកស្រីមានបទពិសោធន៍រយៈពេល ១៥ ឆ្នាំ លើផ្នែកវិភាគហានិភ័យ និងហិរញ្ញវត្ថុ រួមបញ្ចូលទាំងការវិភាគហានិភ័យ និងហិរញ្ញវត្ថុរបស់សាជីវកម្ម ការអភិវឌ្ឍផលិតផល និងតម្លៃផលិតផល មូលធនសេដ្ឋកិច្ច ការគ្រប់គ្រងហានិភ័យ និងការវិនិយោគ។ លោកស្រីបានបម្រើការងារនៅក្រុមហ៊ុនធានារ៉ាប់រងអាយុជីវិត ក៏ដូចជាក្រុមប្រឹក្សាយោបល់ឈានមុខគេមួយចំនួននៅចក្រភពអង់គ្លេស ប្រទេសអូស្ត្រាលី និងប្រទេសថៃ។ មុនពេលលោកស្រីចាប់ផ្តើមអាជីពក្នុងផ្នែកវិភាគហានិភ័យ​ លោកស្រីធ្លាប់ជាវិស្វករស៊ីវិលម្នាក់ដែលមានបទពិសោធន៍នៅប្រទេសនូវែលហ្សេឡង់ ចក្រភពអង់គ្លេស ប្រទេសអៀរឡង់​ និង​ សហព័ន្ធអារ៉ាប់​។

លោកមានបទពិសោធន៍នៅក្នុងវិស័យធានារ៉ាប់រងអាយុជីវិតដល់ទៅ ១៨ ឆ្នាំ នៅអឺរ៉ុប និងអាស៊ី។ លោក Zdenek បានចំណាយពេល ១៥ ឆ្នាំចុងក្រោយរបស់លោកក្នុងមុខតំណែងផ្សេងៗនៅតំបន់អាស៊ីជាមួយក្រុមហ៊ុន ING, AIA និង Allianz ។ មុនពេលចូលបម្រើការងារនៅក្រុមហ៊ុន មេនូឡាយហ្វ៍ ខេមបូឌា លោកមានមុខតំណែងនៅការិយាល័យប្រចាំតំបន់អាស៊ីរបស់ក្រុមហ៊ុន មេនូឡាយហ្វ៍ នៅទីក្រុងហុងកុង ដោយ​ទទួលខុសត្រូវលើការអភិវឌ្ឍបណ្តាញភ្នាក់ងារលក់នៅក្នុងទីផ្សារកំពុងរីកចម្រើន។

ក្នុងនាមជានាយកគ្រប់គ្រងនាយកដ្ឋានច្បាប់ និងការប្រតិបត្តិផ្លូវច្បាប់ដំបូងគេក្នុងវិស័យនេះ លោកមានបទពិសោធន៍ និងយុទ្ធសាស្រ្តជាច្រើនក្នុងការជម្រុញអាជីវកម្មឲ្យឆ្លងផុតបញ្ហាប្រឈមផ្សេងៗ និងឆ្ពោះទៅរកគោលដៅយ៉ាងជោគជ័យ។ មុនពេលចូលមក​ក្រុម​ហ៊ុន​ មេនូឡាយហ្វ៍ លោកក៏បានបម្រើការងារជាមន្ត្រីរាជការស៊ីវិលនៅក្នុងរាជរដ្ឋាភិបាលកម្ពុជាអស់រយៈពេល​ 10 ឆ្នាំផងដែរ។

ក្នុងនាមជានាយកគ្រប់​គ្រង​​នាយកដ្ឋានភាពជាដៃគូ ក្នុងការចែកចាយ លោកទទួលបន្ទុក​​គ្រប់គ្រងរាល់កិច្ចការងារចែកចាយផលិតផលធានារ៉ាប់រងអាយុជីវិតជាមួយដៃគូធនាគារឈានមុខគេនៅក្នុងប្រទេស។ លោកមានតួនាទីដឹកនាំ បង្កើត និងអនុវត្តយុទ្ធសាស្រ្តជម្រុញការលក់ដើម្បីឆ្លើយតបទៅនឹងគោលដៅអាជីវកម្ម ក៏ដូចជាបំពេញតម្រូវការរបស់អតិថិជន។

លោក ស៊ីថន គឺជាបុគ្គលសកម្មមួយរូបក្នុងកិច្ចការងារសង្គម។ លោកគឺជាប្រធានគណៈកម្មាធិការអប់រំរបស់សមាគមធានារ៉ាប់រងកម្ពុជា និងជាគ្រូបង្រៀនផ្នែកច្បាប់ធានារ៉ាប់រងសម្រាប់ថ្នាក់អនុបណ្ឌិតអន្តរជាតិនៅកម្ពុជា ហើយលោកក៏បាននិពន្ធ និងចុះផ្សាយអត្ថបទជាច្រើននៅក្នុងស្រុក និងអន្តរជាតិផងដែរ។ លោកធ្លាប់ជាអនុប្រធានសមាគមអតីតសិក្ខាកាមមកពីប្រទេសជប៉ុន (JICA Alumni of Cambodia)។

លោកបានឈ្នះពានរង្វាន់ "អ្នកដឹកនាំវ័យក្មេងប្រចាំឆ្នាំ ២០២១" ពីស្ថាប័ន Asia Insurance Review។ នៅក្នុងឆ្នាំ ២០២០ លោកត្រូវបាន​ព្រះមហាក្សត្រនៃព្រះរាជាណាចក្រកម្ពុជា​ប្រោសព្រះរាជទាននូវគ្រឿងឥស្សរិយយសមុនីសារាភ័ណ្ឌ​ថ្នាក់មហាសេនា​ ព្រមទាំងពានរង្វាន់ឈានមុខគេផ្នែកធានារ៉ាប់រង និងការធានារ៉ាប់រងបន្តប្រចាំឆ្នាំពី Acquisition International ។ ពានរង្វាន់ផ្សេងៗទៀតដែលលោកទទួលបានរួមមាន 40 Under 40 of the Asian Legal Business (ឆ្នាំ ២០១៨) និងបុគ្គលិកឆ្នើមរបស់ Manulife Asia (ឆ្នាំ ២០១៥)។

លោក ស៊ីថន បានបញ្ចប់ការសិក្សាថ្នាក់ Executive LL.M. ពី មហាវិទ្យាល័យ King's College នៅទីក្រុងឡុងដ៍ និងអនុបណ្ឌិតផ្នែកច្បាប់អន្តរជាតិ និងធុរកិច្ចពីសាកលវិទ្យាល័យជាតិ Yokohama​ ប្រទេសជប៉ុន៕

ក្រោយពីបញ្ចប់ការសិក្សា ពីមហាវិទ្យាល័យ​ Boston នៅរដ្ឋMassachusetts ជាមួយនឹង សញ្ញាប័ត្រកម្រិត​បរិញ្ញាបត្រ​ផ្នែកវិទ្យាសាស្រ្តនយោបាយ និងការសិក្សាអន្តរជាតិ នៅឆ្នាំ២០០១ លោក សម្បត្តិ​បានចូលបម្រើការងារនៅ ក្រុមហ៊ុនហិរញ្ញវត្ថុ​ John Hancock នៅឆ្នាំ២០០៥។

បន្ទាប់ពីបាន​បំពេញការងារ នៅផ្នែកប្រតិបត្តិការអាជីវកម្មថ្មី អស់រយៈពេល ៨ ឆ្នាំនៅ​​ក្រុម​ហ៊ុន​ John Hancock ​មក​ លោកសម្បត្តិ​ បានត្រលប់មកប្រទេសកម្ពុជាវិញ ដែលថ្មីៗនេះនៅឆ្នាំ២០១៦ លោកត្រូវបានតែងតាំងជា នាយកផ្នែកប្រតិបត្តិការ នៅក្រុមហ៊ុន មេនូឡាយហ្វ៍ ខេមបូឌា។

លោក​សម្បត្តិ​ បាន​កើត​ក្នុង​អំឡុងពេលសង្គ្រាមស៊ីវិល និងបានរស់នៅ ក្នុងជំរុំជនភៀសខ្លួននៅកម្ពុជា ហើយ​លោក​ ជាអនិកជនខែ្មរ-អាមេរិក​ ដែលបានសម្រេចចិត្ត ត្រលប់មកស្រុកកំណើតវិញ ដើម្បីជួយប្រជាជនកម្ពុជាកសាង​អនាគតហិរញ្ញវត្ថុដ៏​មាន​ស្ថិរភាព​ និង​ប្រសើរជាង​មុន​។​

មុនពេលចូលបម្រើការងារនៅក្រុមហ៊ុន មេនូឡាយហ្វ៍ លោកស្រីមានបទពិសោធន៍រយៈពេល ១៦ ឆ្នាំ លើគម្រោងផ្នែកឌីជីថលសម្រាប់អតិថិជនជុំវិញពិភពលោក។ លោកស្រីក៏ធ្លាប់បម្រើការនៅ ធនាគារ​ ABA ដែលជាធនាគារដែលមានបច្ចេកវិទ្យាឈានមុខគេមួយនៅកម្ពុជា ហើយលោកស្រីក៏​មានតួនាទីបង្កើត​ក្រុមការងារផ្នែកឌីជីថល និងដឹកនាំកិច្ចខិតខំប្រឹងប្រែងក្នុងការចេញគម្រោងផ្តួចផ្តើម និងការអនុវត្តផ្នែកឌីជីថលផងដែរ។

​លោកស្រីគឺជាអ្នកជំនាញ Scrum Master និងមាន​បរិញ្ញាបត្រជំនាញវិទ្យាសាស្ត្រកុំព្យូទ័រពីវិទ្យាស្ថានបច្ចេកវិទ្យាកម្ពុជា។

លោក សុវណ្ណ​ មានជំនាញផ្នែកច្បាប់ទូលំទូលាយជាង ១០ ឆ្នាំ ក្នុងវិស័យឯកជន។ លោកបានចូលបម្រើការងារក្នុងក្រុមហ៊ុន មេនូឡាយហ្វ៍ ខេមបូឌា  ក្នុង​អំឡុងពេល​នៃការ​រៀបចំបង្កើតនាយកដ្ឋានច្បាប់ និងការប្រតិបត្តិផ្លូវច្បាប់ដំបូងក្នុងឆ្នាំ ២០១២។  ​លោក សុវណ្ណ​ ក៏ជាអ្នកទទួលបន្ទុកផ្នែកច្បាប់ អភិបាលកិច្ច និងការប្រតិបត្តិផ្លូវច្បាប់ផ្នែកដំបូងគេក្នុងឧស្សាហកម្មធានារ៉ាប់រងនៅកម្ពុជា ចាប់តាំងពីការកកើតក្រុមហ៊ុនផងដែរ។ មុនពេលចូលមក​ក្រុម​ហ៊ុន​ មេនូឡាយហ្វ៍ គាត់បានបំពេញការងារផ្នែកអភិបាលកិច្ច​នៅក្នុងក្រុមហ៊ុនហិរញ្ញវត្ថុឈានមុខគេមួយ និងធ្លាប់ជាអ្នកប្រឹក្សាយោបល់ច្បាប់លើគម្រោងមួយចំនួនសម្រាប់ការិយាល័យច្បាប់នានាក្នុងតំបន់។ លោក សុវណ្ណ ទទួលបានបរិញ្ញាបត្រជាន់ខ្ពស់ចំនួនពីរក្នុងវិស័យនីតិទំនាក់ទំនងសេដ្ឋកិច្ចអាស៊ី-អឺរ៉ុបពីសាកលវិទ្យាល័យ Rennes 2  នៃប្រទេសបារាំង និងនីតិឯកជនពីសាកលវិទ្យាល័យភូមិន្ទនីតិសាស្រ្ត និងវិទ្យាសាស្រ្តសេដ្ឋកិច្ច នៃព្រះរាជាណាចក្រកម្ពុជា​ ព្រមទាំងសញ្ញាបត្រជាន់ខ្ពស់ផ្នែកនីតិសកម្មភាពសហគ្រាសពីសាកលវិទ្យាល័យ Lumière Lyon 2  នៃប្រទេសបារាំង។  លោកក៏ជាសមាជិកនៃគណៈមេធាវីនៃព្រះរាជាណាចក្រកម្ពុជាផងដែរ។

ពេញមួយអាជីពរបស់លោក លោក សាដាត បានផ្តោតទៅលើការផ្តល់នូវដំណោះស្រាយផ្នែកអភិវឌ្ឍន៍ក្នុងការកសាងសមត្ថភាព ការរៀបចំវប្បធម៌ស្ថាប័ន ការជំរុញការចូលរួមរបស់បុគ្គលិក និងការដឹកនាំដើម្បីការផ្លាស់ប្តូរជាវិជ្ជមាននៅក្នុងស្ថាប័ន។ ក្នុងអំឡុងពេលនៃការបំពេញតួនាទីចុងក្រោយបំផុតជា នាយកគ្រប់គ្រង​ នាយកដ្ឋានធនធានមនុស្ស​ និងជាជំនួយការអគ្គ​នាយក​ប្រតិបត្តិធនាគារ​ លោកសម្រេចបានលទ្ធផលចេញពីគំនិតផ្តួចផ្តើមសំខាន់ៗសម្រាប់អង្គភាព ដែលរួមមាន ការធ្វើឲ្យស្ថប័នកា្លយជាមជ្ឈមណ្ឌលសម្រាប់ការអភិវឌ្ឍន៍ទេពកោសល្យ ការសម្រេចបាននូវការចូលរួមរបស់បុគ្គលិក និងការផ្លាស់ប្តូរប្រកបដោយជោគជ័យសម្រាប់ធនាគារ ក៏ដូចជាការដឹកនាំការអនុវត្តនូវយុទ្ធសាស្ត្រអាជីវកម្មជាដើម។

ក្នុងរយៈពេលប៉ុន្មាន​ឆ្នាំ​កន្លងមកនេះ លោក​ ​បានផ្តោតការយកចិត្តទុកដាក់​ជាខ្លាំង​ទៅលើការ​​អភិវឌ្ឍ​​​សមត្ថ​ភាព​បុគ្គលិក​ តាមរយៈការជួយគាំទ្រឲ្យ​ពួកគេ​បំពេញ​ការងារ​បានកាន់តែប្រសើរ​ បង្កើតបានជាភាព​ពេញចិត្តនឹងការសម្រេចបានស្នាដៃការងាររបស់ខ្លួន និងជំរុញ​ឲ្យមាន​ឱកាស​​​ការងារ​ជាច្រើន។​