ការធានារ៉ាប់រងលើគ្រោះថ្នាក់បុគ្គលជាក្រុម
អំពីការធានារ៉ាប់រងដែលផ្ដល់ជូន
- ការធានារ៉ាប់រងរបស់សមាជិក៖ ដូចមានចែងនៅក្នុងវិញ្ញាបនបត្រធានារ៉ាប់រងរបស់សមាជិក
- អាយុដែលអាចទទួលបានការធានារ៉ាប់រង៖ 18 - 60 ឆ្នាំ
- ទឹកប្រាក់ធានារ៉ាប់រង៖ 3,000 ដុល្លារអាមេរិក
ការទាមទារសំណង
ដើម្បីធ្វើការទាមទារសំណង លោកអ្នកអាចមកកាន់សាខាណាមួយរបស់ ក្រុមហ៊ុនមេនូឡាយហ្វ៍ ដែលនៅជិតលោកអ្នកបំផុត ឬទំនាក់ទំនងមកក្រុមហ៊ុន មេនូឡាយហ្វ៍ តាមរយៈទូរស័ព្ទលេខ 1800 211 211 / email claims_service_kh@manulife.com.com / គេហទំព័រ www.manulife.com.kh ។
និយមន័យ៖
គ្រោះថ្នាក់ (Accident/Accidental) សំដៅដល់ព្រឹត្តិការណ៍ដែលធ្វើឱ្យអ្នកត្រូវបានធានារ៉ាប់រងរងរបួសលើរាងកាយ ដែលកើតឡើងពីព្រឹត្តិការណ៍ខាងក្រៅសុទ្ធសាធ ដែលប៉ះទង្គិចធ្ងន់ធ្ងរ និងដោយគ្រោះថ្នាក់ចៃដន្យតែប៉ុណ្ណោះ។
ពិការភាពទាំងស្រុង (Total Disability) ត្រូវបានកំណត់និយមន័យជាការបាត់បង់ទាំងស្រុង និងមិនអាចជាសះស្បើយជារៀងរហូតនូវ៖
“ការបាត់បង់ចក្ខុវិញ្ញាណ” មានន័យថាសមត្ថភាពមើលឃើញដោយភ្នែកទាំងគូ (ទោះបីជានៅពេលធ្វើតេស្តមានការប្រើប្រាស់សម្ភារៈជំនួយភ្នែកក៏ដោយ) ដែលមានរង្វាស់ 3/60 ឬអាក្រក់ជាងនេះ ដោយការធ្វើតេស្តតាមរយៈការអានអក្សរនៅលើផ្ទាំង Snellen (Eye Chart) ឬ ការធ្វើតេស្តសមមូលផ្សេងទៀត។
“ការបាត់បង់សមត្ថភាពប្រើប្រាស់” សំដៅដល់ពិការភាពទាំងស្រុងជាបន្តបន្ទាប់ និងអចិន្ត្រៃយ៍នៃដៃ ឬ ជើងម្ខាងដែលមានរយៈពេលយ៉ាងតិច 180 ថ្ងៃ។ ពិការភាពនេះគិតបញ្ចូលទាំងករណីពិការភាពដោយសារការបាត់បង់ដៃម្ខាង ឬ ជើងម្ខាង (ចំពោះដៃគឺគិតចាប់ពីផ្នែកខាងលើនៃកដៃ ឬ ចំពោះជើងគឺគិតចាប់ពីផ្នែកខាងលើនៃកជើង)។
ការបញ្ជាក់ពីពិការភាពទាំងស្រុងត្រូវតែធ្វើឡើងដោយអ្នកអនុវត្តផ្នែកវេជ្ជសាស្រ្ត/គ្រូពេទ្យ/វេជ្ជបណ្ឌិត ដែលមានការចុះបញ្ជីត្រឹមត្រូវ និងទទួលការតែងតាំងដោយក្រុមហ៊ុន។ យោបល់សន្និដ្ឋានរបស់អ្នកអនុវត្តផ្នែកវេជ្ជសាស្រ្ត/គ្រូពេទ្យ/វេជ្ជបណ្ឌិតដែលមានការចុះបញ្ជីត្រឹមត្រូវនេះ នឹងចងភ្ជាប់កាតព្វកិច្ចដល់អ្នកត្រូវបានធានារ៉ាប់រង និងក្រុមហ៊ុន។ ក្នុងករណីបាត់បង់ដៃ ឬ ជើង ការបញ្ជាក់ពីពិការភាពនេះអាចធ្វើឡើងបាននៅពេលណាក៏បាន។
អត្ថប្រយោជន៍៖
មរណភាពបណ្ដាលមកពីគ្រោះថា្នក់ (Death Caused by Accident)
ការទទួលមរណភាពរបស់សមាជិកបានកើតឡើងដោយផ្ទាល់ បណ្ដាលមកពីគ្រោះថ្នាក់ និងដោយឯករាជ្យពីមូលហេតុផ្សេងទៀត ហើយមរណភាពនោះបានកើតឡើងក្នុងអំឡុងពេល 90 ថ្ងៃបន្ទាប់ពីទទួលរងរបួស និងមុនការបញ្ចប់សុពលភាពនៃបទប្បញ្ញត្តិស្ដីពីប្រាក់សំណងករណីមរណភាពមកពីគ្រោះថ្នាក់នេះ។
ស្ថិតក្រោមបញ្ញត្តិនៃបណ្ណសន្យារ៉ាប់រងនេះ ក្រុមហ៊ុនមេនូឡាយហ្វ៍នឹងធ្វើការទូទាត់ប្រាក់សំណងចំពោះករណីមរណភាពដែលបណ្ដាលមកពីគ្រោះថ្នាក់ បន្ទាប់ពីបានទទួលនូវភស្តុតាងត្រឹមត្រូវ និងការអនុម័តយល់ព្រមពីក្រុមហ៊ុនមេនូឡាយហ្វ៍ ដែលបញ្ជាក់ពីមរណភាពរបស់សមាជិក ដែលសមស្របតាមនិយមន័យមរណភាពដែលបណ្ដាលមកពីគ្រោះថ្នាក់ដូចបានកំណត់ខាងលើ។ ប្រាក់សំណងករណីមរណភាពដែលបណ្ដាល មកពីគ្រោះថ្នាក់នឹងត្រូវបានផ្ដល់ជូនទៅអ្នកទទួលផល។
ប្រាក់សំណងករណីមរណភាពដែលបណ្ដាលមកពីគ្រោះថ្នាក់ គឺជាចំនួនទឹកប្រាក់ដូចមានកំណត់នៅលើសេចក្តីសង្ខេបនៃបណ្ណសន្យារ៉ាប់រង។ ការធានារ៉ាប់រងរបស់សមាជិកណាម្នាក់ក្រោមបណ្ណសន្យារ៉ាប់រងនេះនឹងត្រូវបញ្ចប់បន្ទាប់ពីមានការទូទាត់ប្រាក់សំណងករណីមរណភាពបណ្ដាលមកពីគ្រោះថ្នាក់ សម្រាប់សមាជិករូបនោះរួចរាល់។
ពិការភាពទាំងស្រុងបណ្ដាលមកពីគ្រោះថ្នាក់ (Total Disability Caused by Accident)
ពិការភាពទាំងស្រុងបណ្តាលមកពីគ្រោះថ្នាក់ សំដៅដល់សភាពពិការទាំងស្រុងដែលបានកើតឡើងដោយផ្ទាល់បណ្ដាលមកពីគ្រោះថ្នាក់ ហើយពិការភាពទាំងស្រុងនេះបានកើតឡើងភ្លាមៗបន្ទាប់ពីទទួលរងរបួស និងមុនការបញ្ចប់បទប្បញ្ញត្តិនៃកិច្ចសន្យាធានារ៉ាប់រងនេះ។
ស្ថិតក្រោមបញ្ញត្តិនៃបណ្ណសន្យារ៉ាប់រងនេះ ក្រុមហ៊ុនមេនូឡាយហ្វ៍ នឹងធ្វើការទូទាត់ប្រាក់សំណងដែលបណ្តាលមកពីពិការភាពទាំងស្រុង បន្ទាប់ពីបានទទួលនូវភស្ដុតាងត្រឹមត្រូវ និងការអនុម័តយល់ព្រមពីក្រុមហ៊ុនមេនូឡាយហ្វ៍ដែលបញ្ជាក់ពីពិការភាពទាំងស្រុងរបស់សមាជិកនោះ ដែលសមស្របតាមនិយមន័យនៃពិការភាពទាំងស្រុងបណ្ដាលមកពីគ្រោះថ្នាក់ដូចបានកំណត់ខាងលើ។ ប្រាក់សំណងករណីពិការភាពទាំងស្រុងនឹងត្រូវបានផ្ដល់ជូនទៅសមាជិករូបនោះ។
ករណីមិនធានា៖
ប្រាក់សំណងករណីមរណភាព ឬពិការភាពទាំងស្រុងបណ្ដាលមកពីគ្រោះថ្នាក់ នឹងមិនត្រូវបានផ្តល់ជូនឡើយ ប្រសិនបើមរណភាព ឬពិការភាពទាំងស្រុងរបស់សមាជិក កើតឡើងដោយផ្ទាល់ ឬដោយប្រយោលក្ដី (ទាំងស្រុង ឬដោយផ្នែក) ដោយសារមូលហេតុណាមួយដូចខាងក្រោម៖
ក. ការធ្វើអត្តឃាត ឬការប៉ុនប៉ងធ្វើអត្តឃាត ការប៉ុនប៉ងធ្វើបាបខ្លួនឯង ឬបង្ករបួសលើខ្លួនឯងដោយចេតនា ទោះបីស្ថិតនៅក្នុងស្ថានភាពផ្លូវចិត្តប្រក្រតី ឬមិនប្រក្រតីក៏ដោយ ឬ
ខ. ការប្រព្រឹត្ត ឬប៉ុនប៉ងប្រព្រឹត្តបទល្មើសព្រហ្មទណ្ឌណាមួយ ដោយម្ចាស់បណ្ណសន្យារ៉ាប់រង ឬសមាជិក ឬអ្នកទទួលផល។ អ្នកទទួលផលដែលមិនពាក់ព័ន្ធនឹងបទល្មើសព្រហ្មទណ្ឌនេះ នឹងនៅតែមានសិទ្ធិទទួលបានផលប្រយោជន៍របស់ខ្លួនដដែល ឬ
គ. ការស្ម័គ្រចិត្តប្រើប្រាស់ សេព ឬស្រូប ឱសថ ឬគ្រឿងញៀនដែលគ្មានវេជ្ជបញ្ជា សារជាតិស្រវឹង ថ្នាំពុល ឧស្ម័ន ឬផ្សែងពុល ឬសារជាតពុលផ្សេងៗ ឬ
ឃ. ការតទល់ប្រឆាំងនឹងការចាប់ខ្លួនពីមន្រ្តី អ្នកអនុវត្តច្បាប់ ឬការប្រព្រឹត្តបទល្មើសពីការទទួលទានជាតិស្រវឹង និង/ឬ ការបើកបរល្មើសល្បឿនកំណត់ ដូចដែលបានបញ្ញត្ដិដោយច្បាប់ចរាចរណ៍ជាធរមានខណ:ដែលមានគ្រោះថ្នាក់នោះ ឬ
ង. ភាពចុះខ្សោយនៃរាងកាយ ឬផ្លូវចិត្ត ឬរោគ ឬជំងឺប្រភេទណាមួយ ឬជំងឺបង្កដោយការឆ្លងមេរោគណាមួយ ឬក្រៅពីការឆ្លងរោគដែលបង្កឡើងពីការរងរបួសដោយសារគ្រោះថ្នាក់ចៃដន្យ ឬ
ច. ការធ្វើដំណើរ ឬការហោះហើរ ក្នុងយានយន្ត ឬដោយមធ្យោបាយផ្លូវអាកាសណាមួយ លើកលែងតែជាអ្នកដំណើរធម្មតាលើយន្តហោះរបស់ក្រុមហ៊ុនអាកាសចរណ៍ដែលមានប្រតិបត្តិការជាទៀងទាត់ ឬ
ឆ. ការចូលរួម ឬចូលរួមចំណែកក្នុងការបើកបរ ឬជិះក្នុងការប្រណាំងប្រភេទណាមួយ ឬសកម្មភាពមុជក្រោមទឹក ឬធ្វើសកម្មភាពណាដែលមានហានិភ័យខ្ពស់ ដូចជាការឡើងភ្នំ (mountaineering) ឬការចូលក្នុងរូងភ្នំ (potholing) ឬការជិះឆ័ត្រយោង (parachuting) ឬការលោតពីទីខ្ពស់ (bungee jumping) ។
ជ. សង្រ្គាម ឬអំពើណាមួយដែលមានលក្ខណៈដូចគ្នានឹងសង្រ្គាម (បើទោះជាត្រូវបានប្រកាស ឬមិនប្រកាសក៏ដោយ) ឬកុបកម្ម ឬការបះបោរ ឬចលាចលសង្គម ឬកូដកម្ម ឬសកម្មភាពភេរវកម្ម បើទោះបីជាអ្នកត្រូវបានធានារ៉ាប់រងបានចូលរួម ឬមិនចូលរួមក្នុងអំពើទាំងនោះក្ដី ឬ
ឈ. ការមានផ្ទៃពោះ ការសម្រាលកូន ការរលូតកូន ឬរំលូតកូន ឬផលវិបាកណាមួយដែលពាក់ព័ន្ធនឹងការពពោះ ឬ
ញ. ជំងឺ ឬស្ថានភាពដែលមានពីមុនស្រាប់ ដែលកើតឡើងមុនកាលបរិច្ឆេទមានសុពលភាពនៃការធានារ៉ាប់រងរបស់សមាជិក។ ”ជំងឺ ឬស្ថានភាពមានពីមុនស្រាប់” គឺជាជំងឺ ឬរបួសដែលសមាជិកបានដឹងមុនបានតាមធម្មតា លុះត្រាតែសមាជិកបានប្រកាសលក្ខខណ្ឌទាំងនោះ និងត្រូវបានទទួលអនុម័តយល់ព្រមពីក្រុមហ៊ុន។
សមាជិកនឹងត្រូវបានចាត់ទុកថាបានយល់ដឹងមុនពី ជំងឺ ឬស្ថានភាពដែល មានពីមុនស្រាប់ ប្រសិនបើស្ថិតក្នុងលក្ខខណ្ឌណាមួយខាងក្រោម៖
i. សមាជិកបានទទួលការព្យាបាល ឬកំពុងទទួលការព្យាបាលពីគ្រូពេទ្យ
ii. ការណែនាំវេជ្ជសាស្រ្ត ការធ្វើរោគវិនិច្ឆ័យ ការថែទាំ ឬការព្យាបាលត្រូវបានណែនាំ
iii. រោគសញ្ញាច្បាស់លាស់និងជាក់លាក់ផ្សេងៗគ្នាបានបង្ហាញចេញ ឬកំពុងបង្ហាញចេញ
iv. ស្ថានភាពឬជំងឺដែលបានកើតឡើងមុនអាចមើលឃើញដោយបុគ្គលធម្មតាក្នុងកាលៈទេសៈនោះ។
និយមន័យ៖
គ្រោះថ្នាក់ (Accident/Accidental) សំដៅដល់ព្រឹត្តិការណ៍ដែលធ្វើឱ្យអ្នកត្រូវបានធានារ៉ាប់រងរងរបួសលើរាងកាយ ដែលកើតឡើងពីព្រឹត្តិការណ៍ខាងក្រៅសុទ្ធសាធ ដែលប៉ះទង្គិចធ្ងន់ធ្ងរ និងដោយគ្រោះថ្នាក់ចៃដន្យតែប៉ុណ្ណោះ។
ពិការភាពអវៈយវៈដែលបណ្ដាលមកពីគ្រោះថ្នាក់ (Accidental Dismemberment)
ពិការភាពអវៈយវៈដែលបណ្ដាលមកពីគ្រោះថ្នាក់ សំដៅដល់ស្ថានភាពគ្រោះថ្នាក់ណាមួយដែលកើតឡើងដោយផ្ទាល់ (និងដោយឯករាជ្យដែលបង្កឡើងដោយមូលហេតុផ្សេងៗ) ដូចមានរៀបរាប់ខាងក្រោម៖
“ការបាត់បង់សមត្ថភាពប្រើប្រាស់អវៈយវៈ” សំដៅដល់ពិការភាពទាំងស្រុងនៃដៃម្ខាង ឬ ជើងម្ខាងជាអចិន្ត្រៃយ៍ ហើយដែលកើតឡើងជាបន្តបន្ទាប់ក្នុងអំឡុងពេលយ៉ាងតិច 180 ថ្ងៃ។ ពិការភាពនេះគិតបញ្ចូលទាំងករណីពិការភាពដោយសារការបាត់បង់ដៃម្ខាង ឬ ជើងម្ខាង (ចំពោះដៃគឺគិតចាប់ពីផ្នែកខាងលើនៃកដៃ ឬ ចំពោះជើងគឺគិតចាប់ពីផ្នែកខាងលើនៃកជើង)។
“ការបាត់បង់ចក្ខុវិញ្ញាណ” សំដៅដល់ការបាត់បង់សមត្ថភាពមើលឃើញដោយភ្នែកម្ខាង (ទោះបីជានៅពេលធ្វើតេស្តមានការប្រើប្រាស់សម្ភារៈជំនួយភ្នែកក៏ដោយ) ដែលមានរង្វាស់ចាប់ពី 3/60 ឬ អាក្រក់ជាងនេះ តាមរយៈការធ្វើតេស្តទៅលើការអានអក្សរនៅលើផ្ទាំង Snellen (Eye Chart) ឬ ការធ្វើតេស្តផ្សេងទៀតដែលមានតម្លៃស្មើ។
“ការបាត់បង់សោតវិញ្ញាណ” សំដៅដល់ការវិនិច្ឆ័យជាក់លាក់ទៅលើការបាត់បង់ទាំងស្រុង និងមិនអាចជាសះស្បើយទ្បើងវិញបាននូវសមត្ថភាពនៃការស្តាប់ឮដោយត្រចៀកទាំងពីរចំពោះកម្រិតរលកសំឡេងយ៉ាងហោចណាស់ 90 Decibels និងកម្រិតរលកសូរចាប់ពី 500 ទៅ 3,000 Hertz។
“ការបាត់បង់សមត្ថភាពនិយាយ” សំដៅដល់ការវិនិច្ឆ័យជាក់លាក់នៃការបាត់បង់ទាំងស្រុង និងមិនអាចជាសះស្បើយទ្បើងវិញបាននូវសមត្ថភាពនៃការនិយាយដែលបណ្តាលមកពីរបួសរាងកាយ ឬ ជម្ងឺដែលមានរយៈពេលយ៉ាងតិច 180 ថ្ងៃ។
“ការបាត់បង់មេដៃ” មានន័យថាការដាច់ចេញទាំងស្រុងនូវឆ្អឹងរបស់មេដៃ។
“ការបាត់បង់ម្រាមជើង” មានន័យថាការដាច់ចេញទាំងស្រុងនូវឆ្អឹងម្រាមជើង។
ការបញ្ជាក់ពីពិការភាពអវៈយវៈដែលបណ្ដាលមកពីគ្រោះថ្នាក់ ត្រូវតែធ្វើឡើងដោយអ្នកអនុវត្តផ្នែកវេជ្ជសាស្រ្ត/គ្រូពេទ្យ/វេជ្ជបណ្ឌិត ដែលមានការចុះបញ្ជីត្រឹមត្រូវ និងទទួលការតែងតាំងដោយក្រុមហ៊ុន។ យោបល់សន្និដ្ឋានរបស់អ្នកអនុវត្តផ្នែកវេជ្ជសាស្រ្ត/គ្រូពេទ្យ/វេជ្ជបណ្ឌិតដែលមានការចុះបញ្ជីត្រឹមត្រូវនេះ នឹងចងភ្ជាប់កាតព្វកិច្ចដល់អ្នកត្រូវបានធានារ៉ាប់រង និងក្រុមហ៊ុន។ ក្នុងករណីបាត់បង់ដៃ ឬ ជើង ការបញ្ជាក់ពីពិការភាពនេះអាចធ្វើឡើងបាននៅពេលណាក៏បាន។
អត្ថប្រយោជន៍៖
ស្ថិតក្រោមបញ្ញត្តិនៃបណ្ណសន្យារ៉ាប់រងនេះ ក្រុមហ៊ុនមេនូឡាយហ្វ៍ នឹងធ្វើការទូទាត់ប្រាក់សំណងករណីពិការភាពអវៈយវៈបណ្ដាលមកពីគ្រោះថ្នាក់ បន្ទាប់ពីបានទទួលនូវភស្ដុតាងត្រឹមត្រូវ និងការអនុម័តយល់ព្រមពីក្រុមហ៊ុនមេនូឡាយហ្វ៍ ដែលបញ្ជាក់ពីពិការភាពអវៈយវៈដែលបណ្តាលមកពីគ្រោះថ្នាក់របស់សមាជិកនោះ ដែលសមស្របតាមនិយមន័យនៃពិការភាពអវៈយវៈដែលបណ្ដាលមកពីគ្រោះថ្នាក់ដូចបានកំណត់ខាងលើ។ ប្រាក់សំណងករណីពិការភាពទាំងស្រុងនឹងត្រូវបានផ្ដល់ជូនទៅសមាជិករូបនោះ។
ប្រាក់សំណងករណីពិការភាពអវៈយវៈដែលបណ្ដាលមកពីគ្រោះថ្នាក់ គឺជាភាគរយនៃចំនួនទឹកប្រាក់ដែលត្រូវបានកំណត់នៅលើសេចក្ដីសង្ខេបនៃបណ្ណសន្យារ៉ាប់រងដូចមានចែងនៅក្នុងតារាងអត្ថប្រយោជន៍ខាងក្រោម ឬ ដូចមាននៅលើកិច្ចសន្យាបន្ថែមនៃបណ្ណសន្យារ៉ាប់រងដែលបានទទួលការឯកភាពជាបន្តបន្ទាប់។
តារាងអត្ថប្រយោជន៍៖
ពិការភាពអវៈយវៈបណ្ដាលមកពីគ្រោះថ្នាក់ |
ភាគរយនៃប្រាក់សំណងករណីពិការភាពអវៈយវៈបណ្ដាលមកពីគ្រោះថ្នាក់ |
| ការបាត់បង់សោតវិញ្ញាណ | 100% |
| ការបាត់បង់សមត្ថភាពនិយាយ | 100% |
| ការបាត់បង់ចក្ខុវិញ្ញាណនៃភ្នែកម្ខាង | 50% |
| ការបាត់បង់សមត្ថភាពប្រើប្រាស់ជើងម្ខាង ឬដៃម្ខាង | 50% |
| ការបាត់បង់ម្រាមដៃទាំងបួន និងមេដៃ នៃដៃម្ខាង | 40% |
| ការបាត់បង់មេដៃ នៃដៃម្ខាង | 20% |
| ការបាត់បង់ម្រាមដៃ នៃដៃម្ខាង | |
|
10% |
|
5% |
|
3% |
|
2% |
| ការបាត់បង់ម្រាមជើងទាំងអស់ នៃជើងទាំងពីរ | 30% |
| ការបាត់បង់ម្រាមជើង នៃជើងម្ខាង | |
|
10% |
|
5% |
|
1% |
ក្នុងករណីមានការរងរបួសច្រើនផ្នែកនៃរាងកាយដោយសារគ្រោះថ្នាក់តែមួយ ប្រាក់សំណងនឹងត្រូវបានផ្តល់ជូនសម្រាប់តែការរងរបួសណាដែលមានភាគរយខ្ពស់ជាងគេតែប៉ុណ្ណោះ។ ទំនួលខុសត្រូវរបស់ក្រុមហ៊ុន មេនូឡាយហ្វ៍ លើប្រាក់សំណងករណីមរណភាព ករណីពិការភាពទាំងស្រុង និងករណីពិការភាពអវៈយវៈចំពោះបណ្ណសន្យារ៉ាប់រងនេះនឹងត្រូវបានកំណត់ត្រឹម 100% នៃប្រាក់សំណងករណីមរណភាពដូចមានកំណត់នៅលើសេចក្ដីសង្ខេបនៃបណ្ណសន្យារ៉ាប់រងប៉ុណ្ណោះ។ ប្រាក់សំណងករណីពិការភាពអវៈយវៈដែលបណ្ដាលមកពីគ្រោះថ្នាក់សម្រាប់ឆ្នាំនៃបណ្ណសន្យារ៉ាប់រងបន្ទាប់នឹងមិនត្រូវបានកាត់បន្ថយដោយសារប្រាក់សំណងដែលបានផ្តល់ជូននៅឆ្នាំនៃបណ្ណសន្យារ៉ាប់រងចាស់ឡើយ។
ករណីមិនធានា៖
ស្ថិតក្រោមបញ្ញត្តិនៃបណ្ណសន្យារ៉ាប់រងនេះប្រាក់សំណងករណីពិការភាពអវៈយវៈដែលបណ្ដាលមកពីគ្រោះថ្នាក់នឹងមិនត្រូវបានផ្តល់ជូនទ្បើយ ប្រសិនបើហេតុការណ៍ដែលត្រូវបានធានាបានកើតឡើងទោះជាផ្ទាល់ ឬ មិនផ្ទាល់ក្តី(ទាំងស្រុង ឬ មួយផ្នែក)ដោយសារមូលហេតុដូចខាងក្រោម៖
ក. ការធ្វើអត្តឃាត ឬការប៉ុនប៉ងធ្វើអត្តឃាត ការប៉ុនប៉ងធ្វើបាបខ្លួនឯង ឬបង្ករបួសលើខ្លួនឯងដោយចេតនា ទោះបីស្ថិតនៅក្នុងស្ថានភាពផ្លូវចិត្តប្រក្រតី ឬមិនប្រក្រតីក៏ដោយ ឬ
ខ. ការប្រព្រឹត្ត ឬប៉ុនប៉ងប្រព្រឹត្តបទល្មើសព្រហ្មទណ្ឌណាមួយ ដោយម្ចាស់បណ្ណសន្យារ៉ាប់រង ឬសមាជិក ឬអ្នកទទួលផល។ អ្នកទទួលផលដែលមិនពាក់ព័ន្ធនឹងបទល្មើសព្រហ្មទណ្ឌនេះ នឹងនៅតែមានសិទ្ធិទទួលបានផលប្រយោជន៍របស់ខ្លួនដដែល ឬ
គ. ការស្ម័គ្រចិត្តប្រើប្រាស់ សេព ឬស្រូប ឱសថ ឬគ្រឿងញៀនដែលគ្មានវេជ្ជបញ្ជា សារជាតិស្រវឹង ថ្នាំពុល ឧស្ម័ន ឬផ្សែងពុល ឬសារជាតិពុលផ្សេងៗ ឬ
ឃ. ការតទល់ប្រឆាំងនឹងការចាប់ខ្លួនពីមន្រ្តី អ្នកអនុវត្តច្បាប់ ឬការប្រព្រឹត្តបទល្មើសពីការទទួលទានជាតិស្រវឹង និង/ឬ ការបើកបរល្មើសល្បឿនកំណត់ ដូចដែលបានបញ្ញត្ដិដោយច្បាប់ចរាចរណ៍ជាធរមានខណ:ដែលមានគ្រោះថ្នាក់នោះ ឬ
ង. ភាពចុះខ្សោយនៃរាងកាយ ឬផ្លូវចិត្ត ឬរោគ ឬជំងឺប្រភេទណាមួយ ឬជំងឺបង្កដោយការឆ្លងមេរោគណាមួយ ឬក្រៅពីការឆ្លងរោគដែលបង្កឡើងពីការរងរបួសដោយសារគ្រោះថ្នាក់ចៃដន្យ ឬ
ច. ការធ្វើដំណើរ ឬការហោះហើរ ក្នុងយានយន្ត ឬដោយមធ្យោបាយផ្លូវអាកាសណាមួយ លើកលែងតែជាអ្នកដំណើរធម្មតាលើយន្តហោះរបស់ក្រុមហ៊ុនអាកាសចរណ៍ដែលមានប្រតិបត្តិការជាទៀងទាត់ ឬ
ឆ. ការចូលរួម ឬចូលរួមចំណែកក្នុងការបើកបរ ឬជិះក្នុងការប្រណាំងប្រភេទណាមួយ ឬសកម្មភាពមុជក្រោមទឹក ឬធ្វើសកម្មភាពណាដែលមានហានិភ័យខ្ពស់ ដូចជាការឡើងភ្នំ (mountaineering) ឬការចូលក្នុងរូងភ្នំ (potholing) ឬការជិះឆ័ត្រយោង (parachuting) ឬការលោតពីទីខ្ពស់ (bungee jumping) ។
ជ. សង្រ្គាម ឬអំពើណាមួយដែលមានលក្ខណៈដូចគ្នានឹងសង្រ្គាម (បើទោះជាត្រូវបានប្រកាស ឬមិនប្រកាសក៏ដោយ) ឬកុបកម្ម ឬការបះបោរ ឬចលាចលសង្គម ឬកូដកម្ម ឬសកម្មភាពភេរវកម្ម បើទោះបីជាអ្នកត្រូវបានធានារ៉ាប់រងបានចូលរួម ឬមិនចូលរួមក្នុងអំពើទាំងនោះក្ដី ឬ
ឈ. ជំងឺ ឬស្ថានភាពដែលមានពីមុនស្រាប់ ដែលកើតឡើងមុនកាលបរិច្ឆេទមានសុពលភាពនៃការធានារ៉ាប់រងរបស់សមាជិក។ ”ជំងឺ ឬស្ថានភាពមានពីមុនស្រាប់” គឺជាជំងឺ ឬរបួសដែលសមាជិកបានដឹងមុនបានតាមធម្មតា លុះត្រាតែសមាជិកបានប្រកាសលក្ខខណ្ឌទាំងនោះ និងត្រូវបានទទួលអនុម័តយល់ព្រមពីក្រុមហ៊ុន។
សមាជិកនឹងត្រូវបានចាត់ទុកថាបានយល់ដឹងមុនពី ជំងឺ ឬស្ថានភាពដែលមានពីមុនស្រាប់ ប្រសិនបើស្ថិតក្នុងលក្ខខណ្ឌណាមួយខាងក្រោម៖
i. សមាជិកបានទទួលការព្យាបាល ឬកំពុងទទួលការព្យាបាលពីគ្រូពេទ្យ
ii. ការណែនាំវេជ្ជសាស្រ្ត ការធ្វើរោគវិនិច្ឆ័យ ការថែទាំ ឬការព្យាបាលត្រូវបានណែនាំ
iii. រោគសញ្ញាច្បាស់លាស់និងជាក់លាក់ផ្សេងៗគ្នាបានបង្ហាញចេញ ឬកំពុងបង្ហាញចេញ
iv. ស្ថានភាព ឬជំងឺដែលបានកើតឡើងមុនអាចមើលឃើញដោយបុគ្គលធម្មតាក្នុងកាលៈទេសៈនោះ។
ការធានារ៉ាប់រងរបស់សមាជិកដូចមានកំណត់ក្រោមបណ្ណសន្យារ៉ាប់រងនេះត្រូវបញ្ចប់សុពលភាព ក្នុងករណីមានការកើតឡើងមុនគេនូវករណីណាមួយដូចខាងក្រោម៖
ក. សមាជិកមានអាយុគ្រប់ហុកសិបមួយ (61) ឆ្នាំ ឬ
ខ. ប្រាក់សំណងករណីមរណភាព ឬពិការភាពទាំងស្រុង បណ្ដាលមកពីគ្រោះថ្នាក់ ត្រូវបានទូទាត់រួច ឬ
គ. ការជូនដំណឹងជាលាយលក្ខណ័អក្សរពីម្ចាស់បណ្ណសន្យារ៉ាប់រង ថាបណ្ណសន្យារ៉ាប់រងអាយុជីវិតជាក្រុមត្រូវបានលុបចោល ឬបញ្ចប់ ឬ
ឃ. ការជូនដំណឹងជាលាយលក្ខណ៍អក្សរពីម្ចាស់បណ្ណសន្យារ៉ាប់រង ថាការធានារ៉ាប់រងរបស់សមាជិកត្រូវបានបញ្ចប់ ឬ
ង. សមាជិកចូលបម្រើជាទាហានជើងគោក ឬទាហានជើងទឹក ឬទាហានជើងអាកាស ឬឆ្មាំសមុទ្រ ឬផ្នែកណាមួយរបស់កងយោធពលខេមរភូមិន្ទ។