3​ កុំ 3 ការពារ 

ពួកយើងរួមគ្នាប្រយុទ្ធប្រឆាំងជាមួយនឹង វីរុសកូវីដ ១៩ ដែលគ្រប់គ្នាស្គាល់ថាជាសត្រូវគ្មានរូបរាង និងកំពុងរាតត្បាតក្នុងសហគមន៍ទូទាំងព្រះរាជាណាចក្រកម្ពុជាផងដែរ ដោយជំងឺកូវីដ ១៩ នេះបង្កឡើងដោយបណ្ដុំនៃវីរុសជាច្រើន ព្រមទាំងមានអក្ការៈដូចគ្នានឹងជំងឺផ្តាសាយធម្មតា ប៉ុន្តែវាបានផ្ដល់ផលវិបត្តិដល់បញ្ហាផ្លូវដង្ហើមធ្ងន់ធ្ងរ រហូតបណ្តាលឲ្យមានការបាត់បង់ជីវិតអស់ជាច្រើននាក់នៅគ្រប់បណ្ដាប្រទេសជុំវិញពិភពលោក។

ក្នុងកាលៈទេសៈនេះការចូលរួមប្រុងប្រយ័ត្នខ្ពស់គឺជាអ្វីដែលប្រជាពលរដ្ឋគ្រប់រូបគួរប្រត្តិបត្តិឲ្យបានខ្ជាប់ខ្ជួនគ្រប់ពេលវេលា ដើម្បីកាត់បន្ថយការចម្លងជំងឺកូវីដ ១៩ ទៅកាន់គ្រួសារ និងអ្នកដទៃ។ ការរួមគ្នារក្សាអនាម័យតាមវិធីសាស្ត្រងាយៗដូចជាវិធានការ ៣កុំ ៣ការពារ ដែលអាចបញ្ចៀសលោកអ្នកពីការឆ្លងមេរោគបាន។ ក្នុងនោះផងដែរការលាងដៃឲ្យបានស្អាតជាមួយសាប៊ូ ឬ អាកុល ជាឥរិយាបទចំបងមួយក្នុងការរក្សាអនាម័យខ្លួនឯងណែនាំដោយអង្គការសុខភាពពិភពលោក។

វិធានការណ៍ការពារខ្លួន ៣កុំ ៣ការពារនោះមានដូចជា៖

៣ ការពារ៖

1. ពាក់ម៉ាសការពារមាត់ និងច្រមុះពីការប៉ះពាល់ទៅនឹងផ្ទៃខាងក្រៅរាល់ពេលដែលលោកអ្នកចេញពីផ្ទះ។ ការពាក់ម៉ាសក៏បានកាត់បន្ថយការយកដៃទៅប៉ះពាល់ផ្ទាល់ជាមួយមាត់ និងច្រមុះបានផងដែរ។
2. ត្រូវសម្អាតដៃឲ្យបានស្អាតជាមួយសាប៊ូ ឬអាកុលយ៉ាងតិច ៤០ វិនាទីបន្ទាប់ពីលោកអ្នក​ ក្អក ឬ កណ្ដាស់, ពេលប៉ះពាល់ផ្ទាល់ជាមួយអ្នកជំងឺអំឡុងពេលថែទាំពួកគេ, មុនពេលបរិភោគអាហារ និងជាពិសេសក្រោយពេលបន្ទោរបង់រួច។
3. រក្សាគម្លាតសុវត្ថិភាពយ៉ាងហោចណាស់ ១ម៉ែត្រកន្លះ ពីអ្នកដ៏ទៃដើម្បីការពារឲ្យបាននៃការសាយភាយនៃមេរោគពីមនុស្សម្នាក់ និងមនុស្សម្នាក់ទៀតក្នុងបរិយាកាសខាងក្រៅ។ ការរក្សាគម្លាតអាចធ្វើឡើងនៅពេលដែលលោកអ្នកតម្រង់ជួរទិញទំនិញ, ការចូលរួមកិច្ចប្រជុំក្នុងបន្ទប់បិទជិត, ការសន្ទនាជាមួយមនុស្សដែលមិនមែនជាសមាជិកគ្រួសារក្នុងផ្ទះ និងករណីផ្សេងៗជាច្រើនទៀត។