ទម្លាប់ហាត់ប្រាណដ៏ល្អទាំង 5 សម្រាប់បុរសដែលមានវ័យលើសពី 50 ឆ្នាំ
បុរសជាច្រើនដែលមានអាយុលើសពី 50 ឆ្នាំ តែងតែចាត់ទុកពេលវេលាកាលពីខ្លួននៅវ័យជាង 20 ឆ្នាំ និង 30 ឆ្នាំ ថាជាពេលវេលាដ៍សំខាន់នៅក្នុងជីវិត។ ជាការពិតណាស់ លោកអ្នកមិនចាំបាច់យករូបថតចាស់ៗមកមើលដើម្បីរំឮកប្រាប់ខ្លួនឯងអំពីពេលវេលាដែលលោកអ្នកមានរាងកាយរឹងមាំនោះទេ ពីព្រោះ ថាលោកអ្នកក៏នៅតែអាចមានសុខភាពរឹងមាំនៅក្នុងវ័យបច្ចុប្បន្នរបស់លោកអ្នកដែរ។ ដូច្នេះ នៅចាំអីទៀត សូមស្លៀកពាក់សម្លៀកបំពាក់កីឡា ហើយចាប់ផ្ដើមធ្វើលំហាត់ប្រាណទាំង 5 ប្រភេទសម្រាប់បុរសដែលមានវ័យលើសពីអាយុ 50 ឆ្នាំឡើងទៅដូចខាងក្រោម។
1. ចលនាពាក់កណ្ដាលដងខ្លួន
បញ្ហាដ៏ធំមួយក្នុងចំណោមបញ្ហាផ្សេងៗដែលបុរសវ័យចំណាស់តែងតែជួបប្រទះនោះ គឺការដុះក្បាលពោះ។ ចលនាពាក់កណ្ដាលដងខ្លួន នឹងជួយលោកអ្នកក្នុងការដោះស្រាយបញ្ហាទាំងនេះ តាមរយៈ ការកាច់ខ្លួន និងចលនាពង្រឹងសាច់ដុំក្បាលពោះ និងដើមទ្រូង។ ការធ្វើចលនាដេក ហើយងើបអង្គុយ និងចលនាកាច់ក្បាលពោះម្ដងបីចលនា និងបីដងក្នុងមួយសប្ដាហ៍ដើម្បីជួយពង្រឹងសាច់ដុំក្បាលពោះរបស់លោកអ្នកឱ្យរឹងមាំឡើងវិញ។
ការឈឺខ្នងអាចជាបញ្ហាដ៏រំខានមួយនៅពេលលោកអ្នកមានវ័យកាន់តែចាស់។ ចលនាដេកផ្កាប់មុខទ្រដោយកំភួនដៃ អាចជួយកាត់បន្ថយការឈឺចាប់ទាំងនោះបាន។ ចូរដេកសណ្ដូកខ្លួនផ្កាប់មុខ ច្រត់ទ្រដោយកំភួនដៃដាក់ឲ្យស្មើនឹងកម្រាល និងចុងម្រាមជើងដើម្បីទ្រលើទម្ងន់ដងខ្លួនរបស់លោកអ្នក។ ដាក់ដងខ្លួនឱ្យឲ្យត្រង់ និងដាក់គូទឲ្យស្មើ ពោលគឺមិនត្រូវលើកខ្ពស់នោះទេ។ ចលនានេះនឹងធ្វើឲ្យសាច់ដុំក្បាលពោះរបស់លោកអ្នកកន្ត្រាក់ ហើយលោកអ្នកត្រូវដកដង្ហើមតាមធម្មតា។ ចូរធ្វើចលនានេះឲ្យបានយូរតាមដែលលោកអ្នកអាចទ្រាំបាន ហើយរក្សាទម្រង់ដែលបានរៀបរាប់ខាងលើជានិច្ច។ សម្រាក ហើយអនុវត្តលំហាត់ប្រាណនេះម្ដងទៀត ពោលគឺត្រូវធ្វើឲ្យបានបីដង។
2. លំហាត់ប្រាណសរសៃឈាមបេះដូង
ភាពរឹងមាំនៃសមត្ថភាពសួត និងបេះដូងរបស់លោកអ្នក ចុះខ្សោយទៅតាមវ័យ។ លោកអ្នកគួរអនុវត្តលំហាត់ប្រាណសរសៃឈាមបេះដូងដើម្បីពង្រឹង និងថែរក្សាបេះដូង សួតឲ្យមានសុខភាពរឹងមាំ ដុតបំផ្លាញកាល់ឡូរី និងបំលែងខ្លាញ់ទៅជាថាមពល។ លោកអ្នកអាចចាប់ផ្ដើមដោយយឺតៗ ដោយការដើរលឿនៗនៅជុំវិញសួនច្បារ ហើយបន្ទាប់មក អាចបន្តទៅធ្វើលំហាត់ប្រាណនៅក្នុងអាងហែលទឹកម្ដង។ ត្រូវបង្កើតទម្លាប់ដើរហាត់ប្រាណបែបនេះឲ្យបានបីទៅបួនដងក្នុងមួយសប្ដាហ៍។
ការហែលទឹកជួយឱ្យលោកអ្នកបន្ធូរសន្លាកឆ្អឹងដែលតឹងណែនអស់រយៈពេលជាច្រើនឆ្នាំមកហើយ។ ម្យាងវិញទៀត លោកអ្នកអាចរត់នៅលើម៉ាស៊ីនរត់ ឬជិះកង់ឱ្យបានរយៈពេល 30 នាទី ចំនួនបួនដងក្នុងមួយសប្ដាហ៍។
3. ការហាត់ប្រាណបង្កើនភាពធន់ និងសាច់ដុំ
កម្រិតតេស្តូស្តេរ៉ូនរបស់លោកអ្នកធ្លាក់ចុះតិចជាងមុននៅពេលដែលលោកអ្នកមានវ័យកាន់តែចាស់ទៅៗ ដូច្នេះលោកអ្នកឆាប់ហត់ជាងធម្មតា។ ដើម្បីជម្នះបញ្ហាទាំងនេះ លោកអ្នកអាចចាប់ផ្ដើមធ្វើការលើកទម្ងន់។ កម្រិតតេស្តូស្តេរ៉ូនអាចនឹងកើនឡើងវិញតាមរយៈការហាត់ប្រាណលើកទម្ងន់ឲ្យបានគ្រប់គ្រាន់។
លោកអ្នកគួរតែផ្ដោតលើការហាត់ប្រាណដែលធ្វើឲ្យក្រុមសាច់ដុំធំៗកាន់តែមានចលនា៖ ចលនាដេកលើកដុំដែក ការឈរលើកដំដែក ការលីដុំដែកដោយការឈរចំហទាប ឬការធាក់រុញដុំដែក។ លោកអ្នកគួរចាប់ផ្ដើមធ្វើលំហាត់ប្រាណនេះចាប់ពីទម្ងន់ស្រាលៗ ចំនួន 15 ដល់ 20 ដង បន្ទាប់មក បង្កើនការទម្ងន់លើក និងចាប់លើកពី 12 ដល់ 15 ដង។ ការមានសាច់ដុំកាន់តែធំនឹងជួយបង្កើនសមត្ថភាពការរំលាយអាហារនិងពង្រឹងលទ្ធភាពដុតសារធាតុខ្លាញ់នៅក្នុងរាងកាយផងដែរ។
4. ចលនាបញ្ឈរជង្គង់ម្ខាងទៅមុខ
ការឈឺសន្លាក់នៅជុំវិញក្បាលជង្គង់ ចង្កេះ និងកែងដៃ ជាធម្មតាកើតឡើងចំពោះបុរសដែលមានវ័យចាប់ពី 50 ឆ្នាំឡើងទៅ។ ប្រសិនលោកអ្នកទើបតែចាប់ផ្ដើមរត់ត្រឹកៗនៅពេលថ្មីៗនេះ ហើយឃើញថាខ្លួនឯងមិនអាចដើរធម្មតាបានដោយសារតែមានការឈឺចាប់ នោះលោកអ្នកនឹងប្រហែលជាចង់ធ្វើចលនាលើសន្លាក់ត្រង់កន្លែងទាំងនោះ។
បើទោះបីជាការហាត់ប្រាណជើង ដូចជាអង្គុយច្រហោង អាចនឹងជួយលោកអ្នកបានក្នុងករណីនេះក៏ដោយ ប៉ុន្តែការធ្វើចលនាបញ្ឈរជង្គង់ម្ខាងទៅមុខ មានប្រសិទ្ធភាពរឹតល្អប្រសើរជាងនេះទៅទៀត។ ចលនាបញ្ឈរជង្គង់ម្ខាងទៅមុខ នឹងជួយបង្កើនលទ្ធភាពរក្សាតុល្យភាព ចលនាសន្លាក និងពង្រឹងសាច់ដុំសរសៃពួរ សរសៃចង និងសាច់ដុំផងដែរ។ ចូរធ្វើចលនាបញ្ឈរជង្គង់ម្ខាងទៅមុខនេះឲ្យបានបួនលើក ហើយមួយលើកៗ ធ្វើឱ្យបាន 10 ទៅ 12 ដង សម្រាប់ជើងម្ខាង ដោយគ្រាន់តែប្រើប្រាស់ទម្ងន់ដងខ្លួនរបស់លោកអ្នកប៉ុណ្ណោះ។
5. ចលនាខ្នង
ការធ្វើការងារអង្គុយលើកៅអ៊ីមួយកន្លែង អាចធ្វើឲ្យសាច់ដុំខ្នងផ្នែកខាងលើ និងខាងក្រោមរបស់លោកអ្នកចុះខ្សោយម្ដងបន្តិចៗ ដូច្នេះខណៈដែលចលនាដេកផ្កាប់មុខទ្រដោយកំភួនដៃ អាចជួយសម្រួល ចលនាសាច់ដុំខ្នងរបស់យើងបាន តែនៅមានចលនាជាច្រើនទៀតអាចជួយសម្រួលសាច់ដុំខ្នងរបស់ឲ្យមានសុខភាពល្អ។
ចលនាស៊ុបផើមែន (Superman) ឬការលើខ្នងឡើង។ ចលនាស៊ុបផើមែនជួយពន្លាសាច់ដុំតឹងណែន និងពង្រឹងសាច់ដុំដែលខ្សោយរបស់លោកអ្នកផងដែរ។ ចូរដេកផ្កាប់មុខ ហើយលាដៃទាំងសងខាងទៅខាងលើក្បាលរបស់អ្នក ហើយលើកជើង និងប្រឹងលើដងខ្លួនឡើងរបស់លោកអ្នកឲ្យផុតពី
កម្រាល តាមដែលអាចធ្វើបាន ហើយទប់រយៈពេលមួយវិនាទីបន្ទាប់មកទម្លាក់ជើង និងដៃចុះមកវិញ។ ចូរអនុវត្តចលនានេះឲ្យបាន 10 ដង។
អស់ការបារម្ភពីវិបត្តជំងឺធ្ងន់ធ្ងរជាមួយ គម្រោងអត្ថប្រយោជន៏ព្យាបាលជម្ងឺធ្ងន់ធ្ងរ របស់មេនូឡាយហ្វ៌ ខេមបូឌា។ ទទួលយកការប្រឹក្សាដោយឥតគិតថ្លៃពីអ្នកជំនាញរបស់យើង!
គន្លឹះសុខភាព
ដើម្បីការរស់នៅប្រកបដោយសុខភាពល្អប្រសើរ!
គន្លឹះហិរញ្ញវត្ថុ
ដើម្បីការរៀបចំហិរញ្ញវត្ថុដ៏ឆ្លាតវៃ!
ត្រូវការជំនួយ?
ទូរស័ព្ទមកកាន់ 1800 211 211 (ឥតគិតថ្លៃ)