តើលោកអ្នកអង្គុយស្រួលខ្លួនដែរឬទេ?
មានគេនិយាយថាការអង្គុយយូរ គឺជាការប្រឈមទៅនឹងបញ្ហាជាច្រើនដូចជាការជក់បារីដែរ ប៉ុន្តែសម្រាប់ពួកយើងភាគច្រើន ការអង្គុយគឺជារឿងដ៏ចាំបាច់នៅក្នុងជីវិតការងារប្រចាំថ្ងៃរបស់ពួកយើង។ ដូច្នេះប្រសិនបើលោកអ្នកចំណាយពេលវេលាអង្គុយធ្វើការងារជាច្រើនម៉ោងនោះ ខាងក្រោមនេះ គឺជាវិធីសាស្ត្រមួយចំនួនដែលលោកអ្នកត្រូវចងចាំដើម្បីជួយសម្រួលឥរិយាបថ និងកាត់បន្ថយការការចុករោយខ្នងរបស់អ្នក។
កែតម្រូវតុ
ប្រសិនបើលោកអ្នកធ្វើការងារនៅកន្លែងដែលលោកអ្នកអាចកែតម្រូវតុបាន នោះគឺជាការល្អប្រសើរ៖ សូមស្វាគមន៍មកកាន់កន្លែងការងារបែបទំនើប។ ចូរកែតម្រូវកម្ពស់តុរបស់លោកអ្នកដើម្បីឲពេលដែលលោកអ្នកអង្គុយនៅលើកៅអីអាចឲដើមដៃរបស់លោកអ្នកដាក់ ស្របនឹងឆ្អឹងខ្នង កំភួនដៃរបស់លោកអ្នកដាក់នៅលើតុក្នុងគម្លាត ៩០ ដឺក្រេចេញពីដងខ្លួន។ ប្រសិនបើអ្នកធ្វើការងារនៅកន្លែងណាដែលមិនអាចកែតម្រូវតុបានទេនោះ សូមអនុវត្តដូចខាងក្រោម។
កែតម្រូវកៅអី
ចូរអង្គុយដោយផ្អែកខ្នងទៅនឹងកៅអី រួចកែតម្រូវកម្ពស់កៅអីរបស់លោកអ្នកដើម្បីឲភ្លៅរបស់អ្នកអាចអង្គុយនៅលើកៅអីបានដោយងាយស្រួល ជង្គង់របស់អ្នកដាក់ស្មើនឹងត្រគាក ហើយត្រូវដាក់ជើងនៅលើផ្ទៃកម្រាល។ សូមប្រើប្រាស់ឧបករណ៍ទ្រជើងប្រសិនបើចាំបាច់។
កែតម្រូវអេក្រង់កុំព្យូទ័រ
បើអាចសូមដាក់អេក្រង់កុំព្យូទ័រឲនៅចម្ងាយប្រវែងមួយសន្ធឹងដៃទៅមុខ ដោយដាក់ផ្នែកខាងលើនៃអេក្រង់នៅត្រឹម ឬក្រោមភ្នែក។ ប្រសិនបើអ្នកប្រើកុំព្យូទ័រយួរដៃ ត្រូវប្រាកដថាអ្នកអនុវត្តចំណុចទាំងនេះជាប្រចាំដើម្បីកាត់បន្ថយការចុករោយករបស់លោកអ្នក។
ចូរឧស្សាហ៍ធ្វើចលនា!
ការសម្រាកជាទៀងទាត់ គឺជាគន្លឹះដ៏សំខាន់។ យ៉ាងហោចណាស់រៀងរាល់មួយម៉ោងម្ដង សម្រាកពីការងារបន្តិច លោកអ្នកត្រូវងើបចេញពីតុ ហើយដើរចុះឡើងឲយឺតសរសៃបន្តិច។ ការងើបឈរ និងដើរចុះឡើងបែបនេះ គឺធ្វើឲខ្នងរបស់លោកអ្នកមានពេលសម្រាកបានខ្លះ នៅពេលដែលលោកអ្នកធ្វើចលនាសាច់ដុំជារឿយៗ វានឹងលោកអ្នកមានអារម្មណ៍ស្រស់ថ្លា និងមានស្មារតីស្វាហាប់ ហើយការធ្វើបែបនេះជាប្រចាំក៏ជួយឲលោកអ្នកកាន់តែខិតទៅរកការសម្រេចការគោលដៅនៃចំនួនជំហានប្រចាំថ្ងៃបានយ៉ាងឆាប់រហ័សផងដែរ។
