នៅក្នុងសៀវភៅដ៏ល្បីល្បាញមួយដែលមានចំណងជើងថា “កើតមកដើម្បីរត់កីឡា” របស់លោក Christopher McDougall បានស្រាវជ្រាវរកចម្លើយនានាដែលឆ្លើយតបទៅនឹងបញ្ហាទូទៅ ដែលកីឡាកររត់ប្រណាំងជួបប្រទះ។ នៅក្នុងការសិក្សាស្រាវជ្រាវរបស់គាត់ លោក Christopher ក៏បានដឹងអំពីប្រជាជន Tarahumara មកពីតំបន់ភាគខាងជើងប្រទេសម៉ិចស៊ិច ដែលមានកេរ្តិ៍ឈ្មោះល្បីល្បាញខាងរត់ប្រណាំងក្នុងរយៈចម្ងាយឆ្ងាយ បើទោះបីស្ថិតក្រោមស្ថានភាពអាកាសធាតុភាពក្ដៅយ៉ាងណាក៏ដោយ។
អាថកំបាំងនៃភាពអំណត់របស់ពួកគេ? Iskiate – ភេសជ្ជៈផលិតពីគ្រាប់ឆៃ (ប្រជាជនខ្មែរនិយមហៅថា ទឹកគ្រាប់ឆៃ) ។
ជាការពិតណាស់ ជាមួយនឹងភេសជ្ជៈ និងការហ្វឹកហាត់ ជួយឲពួកគាត់រត់បានរយៈចម្ងាយឆ្ងាយ។
បច្ចុប្បន្នយើងមិនទាន់បានរកឃើញអំពីការអះអាងបែបវិទ្យាសាស្ត្រដែលនៅពីក្រោយខ្នង ដែលថាភេសជ្ជៈប្រភេទនេះអាចជួយជំរុញដល់ការបំពេញការងារនៅឡើយទេ ប៉ុន្តែអ្វីដែលជាការពិតនោះគឺថាគ្រាប់ឆៃ នេះមានគុណភាពខ្ពស់សម្រាប់សុខភាព ដែលមនុស្សជាច្រើនធ្វើការអះអាង និងទទួលស្គាល់គុណតម្លៃនៃភេសជ្ជៈនេះ ហើយភេសជ្ជៈប្រភេទនេះគឺងាយស្រួលធ្វើមែនទែន។
គ្រាន់តែគ្រាប់ឆៃចំនួនពីរស្លាបព្រាកាហ្វេ មានផ្ទុកទៅដោយសារជាតិប្រូតេអ៊ីនរហូតដល់ ៥ ក្រាម និងសារជាតិហ្វាយប៊័រ (Fiber) ១០ ក្រាមឯណោះ ដែលអាចជួយឲលោកអ្នកមានកម្លាំងពេញមួយថ្ងៃតែម្ដង។ ភេសជ្ជៈនេះ ក៏ជួយបំពេញបន្ថែមប្រមាណមួយភាគបីនៃកម្រិតម៉ាញ៉េស្យូមដែលរាង្គកាយរបស់លោកអ្នកត្រូវការប្រចាំថ្ងៃ និងសម្បូរទៅដោយសារជាតិកាលស្យូម និងជាតិដែកផងដែរ។ ម្យ៉ាងវិញទៀត ភេសជ្ជៈនេះ ក៏បានរួមចំណែកជួយសម្រួលដល់ប្រព័ន្ធរំលាយអាហាររបស់លោកអ្នកផងដែរ។
ដូច្នេះ ថាតើភេសជ្ជនេះអាចជួយបង្កើតកម្លាំងថាមពលរបស់លោកអ្នកបានឬអត់នោះ គឺមានតែលោកអ្នកទេដែលអាចវិនិច្ឆ័យបានដោយខ្លួនឯង។
ខាងក្រោមនេះ គឺជារូបមន្តងាយៗជាទីបំផុតដែលលោកអ្នកពុំធ្លាប់បានដឹងពីមុនមក៖
គ្រាប់ឆៃ២ស្លាបព្រាបាយ
បន្ថែមទឹកប្រហែល ២ ពែង ហើយទុកពីរបីនាទី (វានឹងប្រែជារលោង)
បន្ថែមទឹកកំបោរ (ឬក្រូចឆ្មា) សម្រាប់រសជាតិ
បន្ថែមទឹកឃ្មុំ (ធ្វើឱ្យផ្អែម)
តោះចាប់ផ្ដើមរត់!