Manulife First

ជំហានដំបូងទៅកាន់សេរីភាពហិរញ្ញវត្ថុ

ចាប់អារម្មណ៍

**តើហេតុអ្វីលោកអ្នកគួរទិញគម្រោង Manulife First?**

បង់ 2 ទទួលបាន 6

បង់បុព្វលាភធានារ៉ាប់រងតែ 2 ឆ្នាំ ទទួលបានការការពារដល់ទៅ 6 ឆ្នាំ

តិចជាង 1ដុល្លារ ក្នុងមួយថ្ងៃ

គម្រោងធានារ៉ាប់រងអាយុជីវិតដែលមានតម្លៃសមរម្យបំផុតចាប់ពី 0.82 ដុល្លារ/មួយថ្ងៃ

ទទួលបានទឹកប្រាក់ត្រលប់មកវិញ

ធានាថាទទួលបានទឹកប្រាក់ត្រលប់មកវិញចាប់ពី60% នៃបុព្វលាភធានារ៉ាប់រងឆ្នាំទី1 នៅចុងបញ្ចប់នៃការធានារ៉ាប់រង

ការការពារខ្ពស់ជាមួយជម្រើសដ៏សម្បូរបែប

ទទួលបានការការពារ រហូតដល់ 20 ដង នៃបុព្វលាភប្រចាំឆ្នាំ ជាមួយនឹងកញ្ចប់ 5 ផ្សេងគ្នាសម្រាប់ជ្រើសរើស

ទាញយក

ខិត្តប័ណ្ណ

ទាញយក

អំពីគម្រោង

រយៈពេលនៃការធានារ៉ាប់រង៖ 6 ឆ្នាំ
រយៈពេលនៃការបង់បុព្វលាភធានារ៉ាប់រង៖ 2 ឆ្នាំ
អាយុដែលអ្នកស្នើសុំយកការធានារ៉ាប់រង៖ ចាប់ពី 18 ឆ្នាំឡើងទៅ
របៀបបង់បុព្វលាភធានារ៉ាប់រង៖  ប្រចាំឆមាស និង ប្រចាំឆ្នាំ

អត្ថប្រយោជន៍កញ្ចាប់ផលិតផល Manulife First

អត្ថប្រយោជន៍	កញ្ចប់ A	កញ្ចប់ B	កញ្ចប់ C	កញ្ចប់ D	កញ្ចប់ E
អត្ថប្រយោជន៍លើមរណភាព ឬពិការភាពទាំងស្រុង និងជាអចិន្រ្ដៃយ៍ មិនបណ្ដាល មកពីគ្រោះថ្នាក់ចៃដន្យ	3,000 ដុល្លារអាមេរិក	5,000 ដុល្លារអាមេរិក	10,000 ដុល្លារអាមេរិក	15,000 ដុល្លារអាមេរិក	30,000 ដុល្លារអាមេរិក - 75,000 ដុល្លារអាមេរិក
	10 ដង នៃបុព្វលាភធានារ៉ាប់រងប្រចាំឆ្នាំ
អត្ថប្រយោជន៍លើមរណភាព ឬពិការភាពទាំងស្រុង និងជាអចិន្រ្ដៃយ៍ បណ្ដាលមកពីគ្រោះថ្នាក់ចៃដន្យ	6,000 ដុល្លារអាមេរិក	10,000 ដុល្លារអាមេរិក	20,000 ដុល្លារអាមេរិក	30,000 ដុល្លារអាមេរិក	60,000 ដុល្លារអាមេរិក - 150,000 ដុល្លារអាមេរិក
	20 ដង នៃបុព្វលាភធានារ៉ាប់រងប្រចាំឆ្នាំ
អត្ថប្រយោជន៍ដល់កាលកំណត់	180 ដុល្លារអាមេរិក	400 ដុល្លារអាមេរិក	1,000 ដុល្លារអាមេរិក	1,800 ដុល្លារអាមេរិក	4,200 ដុល្លារអាមេរិក - 10,500 ដុល្លារអាមេរិក
បុព្វលាភធានារ៉ាប់រង	300 ដុល្លារអាមេរិក	500 ដុល្លារអាមេរិក	1,000 ដុល្លារអាមេរិក	1,500 ដុល្លារអាមេរិក	3,000 ដុល្លារអាមេរិក - 7,500 ដុល្លារអាមេរិក

ករណីមិនធានា

ក្រុមហ៊ុន នឹងមិនផ្ដល់សំណង ប្រសិនបើអត្ថប្រយោជន៍ដែលត្រូវបានធានាណាមួយ បង្កឡើងដោយផ្ទាល់ ឬដោយប្រយោល ទាំងស្រុង ឬដោយផ្នែក ពីមូលហេតុណាមួយដែលបានកំណត់ខាងក្រោម។ ក្នុងករណីការបដិសេធសំណើទាមទារសំណងនោះ បណ្ដាលឱ្យបណ្ណសន្យារ៉ាប់រងនេះត្រូវបញ្ចប់សុពលភាព នោះទំនួលខុសត្រូវរបស់ក្រុមហ៊ុនដែលមានក្រោមបណ្ណសន្យារ៉ាប់រងនេះ ត្រូវកំណត់ត្រឹមការបង្វិលបុព្វលាភធានារ៉ាប់រងដែលបានបង់រួចសរុប គិតពីកាលបរិច្ឆេទផ្ដល់ជូនបណ្ណសន្យារ៉ាប់រង ឬកាលបរិច្ឆេទផ្ដល់សុពលភាពបណ្ណសន្យារ៉ាប់រងជាថ្មីឡើងវិញ (កំណត់យកកាលបរិច្ឆេទណាមួយដែលកើតឡើងក្រោយគេ) ជូនម្ចាស់បណ្ណសន្យារ៉ាប់រងវិញ ដោយដកចេញនូវការចំណាយលើការពិនិត្យសុខភាព (បើមាន) និង/ឬ ចំណាយផ្សេងៗ ដែលសមរម្យ ហើយកើតឡើងសម្រាប់ការវាយតម្លៃហានិភ័យ (បើមាន)។

ករណីមិនធានាចំពោះអត្ថប្រយោជន៍លើមរណភាព មិនបណ្តាលមកពីគ្រោះថា្នក់ចៃដន្យ

(ក) ការធ្វើអត្តឃាត ឬប៉ុនប៉ងធ្វើអត្តឃាត ទោះបីស្ថិតនៅក្នុងស្ថានភាពផ្លូវចិត្តប្រក្រតី ឬមិនប្រក្រតីក៏ដោយ ក្នុងរយៈពេល ពីរ (២) ឆ្នាំ គិតចាប់ពីកាលបរិច្ឆេទផ្តល់ជូនបណ្ណសន្យារ៉ាប់រង ឬកាលបរិចេ្ឆទផ្ដល់សុពលភាពបណ្ណសន្យារ៉ាប់រងជាថ្មីឡើងវិញ ដោយយកកាលបរិច្ឆេទណាមួយចុងក្រោយ (ករណីមិនធានានេះ នឹងមិនត្រូវបានអនុវត្តឡើយបន្ទាប់ពីរយៈពេលពីរ (២) ឆ្នាំ ដែលបានលើកឡើងខាងលើ) ឬ

(ខ) ការប្រព្រឹត្ត ឬប៉ុនប៉ងប្រព្រឹត្តបទល្មើសព្រហ្មទណ្ឌណាមួយ ដោយម្ចាស់បណ្ណសន្យារ៉ាប់រង ឬអ្នកត្រូវបានធានារ៉ាប់រង ឬ

(គ) ជំងឺអេដស៍ (AIDS) ឬជំងឺ ឬផលវិបាកណាមួយដែលទាក់ទងនឹងវីរុសហ៊ីវ (HIV) ឬមេរោគអេដស៍ (AIDS)។

ករណីមិនធានាចំពោះអត្ថប្រយោជន៍លើពិការភាពទាំងស្រុង និងជាអចិន្រ្ដៃយ៍ មិនបណ្តាលមកពីគ្រោះថ្នាក់ចៃដន្យ

(ក) ការប៉ុនប៉ងធ្វើអត្តឃាត ការប៉ុនប៉ងធ្វើបាបខ្លួនឯង ឬបង្ករបួសលើខ្លួនឯងដោយចេតនា ទោះបីស្ថិតនៅក្នុងស្ថានភាពផ្លូវចិត្តប្រក្រតី ឬមិនប្រក្រតីក៏ដោយ ឬ

(ខ) ការប្រព្រឹត្ត ឬប៉ុនប៉ងប្រព្រឹត្តបទល្មើសព្រហ្មទណ្ឌណាមួយ ដោយម្ចាស់បណ្ណសន្យារ៉ាប់រង ឬអ្នកត្រូវបានធានារ៉ាប់រង ឬ

(គ) ការស្ម័គ្រចិត្តប្រើប្រាស់ សេព ឬស្រូប ឱសថ ឬគ្រឿងញៀនដែលគ្មានវេជ្ជបញ្ជា សារជាតិស្រវឹង ថ្នាំពុល ឧស្ម័ន ឬផ្សែងពុល ឬសារជាតិពុលផ្សេងៗ ឬ

(ឃ) សង្រ្គាម ឬអំពើណាមួយដែលមានលក្ខណៈដូចគ្នានឹងសង្រ្គាម (បើទោះជាត្រូវបានប្រកាស ឬមិនប្រកាសក៏ដោយ) ឬកុបកម្ម ឬការបះបោរ ឬចលាចលសង្គម ឬកូដកម្ម ឬសកម្មភាពភេរវកម្ម បើទោះបីជាអ្នកត្រូវបានធានារ៉ាប់រងបានចូលរួម ឬមិនចូលរួមក្នុងអំពើទាំងនោះក្ដី ឬ

(ង) ជំងឺអេដស៍ (AIDS) ឬជំងឺ ឬផលវិបាកណាមួយដែលទាក់ទងនឹងវីរុសហ៊ីវ (HIV) ឬមេរោគអេដស៍ (AIDS)។

ករណីមិនធានាចំពោះអត្ថប្រយោជន៍លើមរណភាព ឬពិការភាពទាំងស្រុង និងជាអចិន្រ្ដៃយ៍ បណ្ដាលមកពីគ្រោះថ្នាក់ចៃដន្យ

(ក) ការធ្វើអត្តឃាត ឬប៉ុនប៉ងធ្វើអត្តឃាត ទោះបីស្ថិតនៅក្នុងស្ថានភាពផ្លូវចិត្តប្រក្រតី ឬមិនប្រក្រតីក៏ដោយ ឬ

(ខ) ការប្រឈមនឹងគ្រោះថ្នាក់ដោយចេតនា ឬការប៉ុនប៉ងធ្វើបាបខ្លួនឯង ឬបង្ករបួសលើខ្លួនឯងដោយចេតនា ទោះបីស្ថិតនៅក្នុងស្ថានភាពផ្លូវចិត្តប្រក្រតី ឬមិនប្រក្រតីក៏ដោយ ឬ

(គ) ការវាយប្រហារលើរាងកាយ ឬឃាតកម្ម ឬ

(ឃ) ការប្រព្រឹត្ត ឬប៉ុនប៉ងប្រព្រឹត្តបទល្មើសព្រហ្មទណ្ឌណាមួយ ដោយម្ចាស់បណ្ណសន្យារ៉ាប់រង ឬអ្នកត្រូវបានធានារ៉ាប់រង ឬ

(ង) ការស្ម័គ្រចិត្តប្រើប្រាស់ សេព ឬស្រូប ឱសថ ឬគ្រឿងញៀនដែលគ្មានវេជ្ជបញ្ជា សារជាតិស្រវឹង ថ្នាំពុល ឧស្ម័ន ឬផ្សែងពុល ឬសារជាតិពុលផ្សេងៗ ឬ

(ច) សង្រ្គាម ឬអំពើណាមួយដែលមានលក្ខណៈដូចគ្នានឹងសង្រ្គាម (បើទោះជាត្រូវបានប្រកាស ឬមិនប្រកាសក៏ដោយ) ឬកុបកម្ម ឬការបះបោរ ឬចលាចលសង្គម ឬកូដកម្ម ឬសកម្មភាពភេរវកម្ម បើទោះបីជាអ្នកត្រូវបានធានារ៉ាប់រងបានចូលរួម ឬមិនចូលរួមក្នុងអំពើទាំងនោះក្ដី ឬ

(ឆ) ការតទល់ប្រឆាំងនឹងការចាប់ខ្លួនពីមន្រ្តី អ្នកអនុវត្តច្បាប់ ឬការប្រព្រឹត្តបទល្មើសពីការទទួលទានជាតិស្រវឹង និង/ឬ ការបើកបរល្មើសល្បឿនកំណត់ ដូចដែលបានបញ្ញត្ដិដោយច្បាប់ចរាចរណ៍ជាធរមានខណ:ដែលមានគ្រោះថ្នាក់នោះ ឬ

(ជ) ភាពចុះខ្សោយនៃរាងកាយ ឬផ្លូវចិត្ត ឬរោគ ឬជំងឺប្រភេទណាមួយ ឬជំងឺបង្កដោយការឆ្លងមេរោគណាមួយ ឬក្រៅពីការឆ្លងរោគដែលបង្កឡើងពីការររងរបួសដោយសារគ្រោះថ្នាក់ចៃដន្យ ឬ

(ឈ) ការធ្វើដំណើរ ឬការហោះហើរ ក្នុងយានយន្ត ឬដោយមធ្យោបាយផ្លូវអាកាសណាមួយ លើកលែងតែជាអ្នកដំណើរធម្មតាលើយន្តហោះរបស់ក្រុមហ៊ុនអាកាសចរណ៍ដែលមានប្រតិបត្តិការជាទៀងទាត់ ឬ

(ញ) ការចូលរួម ឬចូលរួមចំណែកក្នុងការបើកបរ ឬជិះក្នុងការប្រណាំងប្រភេទណាមួយ ឬសកម្មភាពមុជក្រោមទឹក ឬធ្វើសកម្មភាពណាដែលមានហានិភ័យខ្ពស់ ដូចជាការឡើងភ្នំ (mountaineering) ឬការចូលក្នុងរូងភ្នំ (potholing) ឬការជិះឆ័ត្រយោង (parachuting) ឬការលោតពីទីខ្ពស់ (bungee jumping) ។