កំហុសទាំង 6 នៃការគ្រប់គ្រងហិរញ្ញវត្ថុក្នុងគ្រួសារ

3. គ្មានការឯកភាពគ្នាទៅលើទម្លាប់ចំណាយ និងផែនការចំណាយ

ប្រសិនបើគូស្វាមីភរិយាមិនបានឯកភាពគ្នាលើទម្លាប់ចំណាយ និងផែនការចំណាយទេនោះ ភាគីម្ខាងដែលអាចជាប្ដី ឬប្រពន្ធ ប្រាកដជាតែងតែមានអារម្មណ៍ “មិនពេញចិត្ត” និង “ខកចិត្ត” ចំពោះការចំណាយរបស់ប្រពន្ធ ឬប្ដីរបស់ខ្លួនជាក់ជាមិនខាន។ ហើយអ្នកក៏មិនអាចសល់លុយដែរប្រសិនបើប្តី ឬប្រពន្ធរបស់អ្នក តែងតែចំណាយលើសពីចំណូលរបស់គាត់នោះ។ ដូច្នេះ រឿងទីមួយដែលអ្នកត្រូវធ្វើគឺ អ្នកទាំងពីរត្រូវតែមានឯកភាពគ្នាលើការចំណាយរបស់អ្នក និងចំនួនប្រាក់សន្សំទុកសម្រាប់គ្រួសារ ឧទាហរណ៍ ប្រសិនបើអ្នកគ្រោងយកកូន នោះអ្នកត្រូវតែចេះរៀបចំផែនការបម្រុងពេលមានគ្រោះអាសន្ន ពិសេស ត្រូវរៀបចំឱ្យបានរួចរាល់សម្រាប់កូនរបស់អ្នក ដូចជា ការទិញកញ្ចប់ធានារ៉ាប់រងអាយុជីវិតចាប់ពីពេលអ្នកចាប់ផ្ដើមមានគភ៌រហូតដល់កូនរបស់អ្នកធំពេញវ័យ។

4. មិនបានបែងចែកទំនួលខុសត្រូវផ្នែកហិរញ្ញវត្ថុរវាងប្តី និងប្រពន្ធ

បន្ទាប់ពីថ្ងៃដែលបានរៀបអាពាហ៌ពិពាហ៍រួច គូស្វាមី និងភរិយាថ្មីថ្មោងត្រូវតែចេះពិភាក្សាគ្នា និងកំណត់ឱ្យបានច្បាស់នូវទំនួលខុសត្រូវផ្នែកហិរញ្ញវត្ថុរបស់ខ្លួន ឧទាហរណ៍៖ ចំណែកប្រាក់របស់ខ្លួនសម្រាប់ទុកបម្រុងសម្រាប់គ្រួសារ (ដោយអាស្រ័យទៅលើប្រាក់ចំណូលរបស់ប្ដី ឬប្រពន្ធ) ឬយើងសូមឧទាហរណ៍ថា ចំណូលរបស់ប្ដីគឺសម្រាប់ការចំណាយទៅលើថ្លៃជួលផ្ទះ និងថ្លៃទឹកភ្លើង ចំណែកឯចំណូលរបស់ប្រពន្ធវិញ គឺសម្រាប់ការចំណាយលើម្ហូបអាហារគ្រឿងទេស និងទុកសន្សំ ។ល។ ប្រសិនបើអ្នកមិនបានកំណត់ឱ្យបានច្បាស់លាស់នូវទំនួលខុសត្រូវផ្នែកហិរញ្ញវត្ថុពីដំបូងទេនោះ ប្ដីប្រពន្ធអ្នកទាំងពីរច្បាស់ជាមិនសូវសកម្មរឿងការងាររកចំណូលឱ្យបានមុតគត់ ហើយក៏មិនដឹងថាត្រូវធ្វើយ៉ាងណានោះទេ និងចាំតែរុញដាក់គ្នាទៅវិញទៅមកនៅពេលដែលត្រូវការប្រាក់ច្រើន។

5. មិនបានអប់រំកូនរបស់អ្នកអំពីគុណតម្លៃរបស់លុយ

កុមារត្រូវដឹងអំពីគុណតម្លៃរបស់លុយ និងរបៀបសន្សំលុយចាប់តាំងពីកុមារភាពទៅ។ ដោយអាស្រ័យទៅលើអាយុជាក់ស្ដែងរបស់កូនអ្នក មានវិធីជាច្រើនដែលអ្នកអាចអប់រំពួកគេបាន ឧ. អ្នកអាចយកល្បែងកម្សាន្ត ឬហ្គេមសប្បាយដើម្បីពន្យល់ឱ្យកូនរបស់អ្នកមានការយល់ដឹង និងមានគំនិតដូចខាងក្រោមនេះ៖ ហេតុអ្វីបានជាខ្ញុំត្រូវសន្សំលុយ? តើខ្ញុំអាចសន្សំលុយដោយរបៀបណា?

6. ការមិនបានរៀបចំធនធានហិរញ្ញវត្ថុឱ្យបានគ្រប់គ្រាន់សម្រាប់ការអប់រំកូនរបស់អ្នក

អ្នកដាច់ខាតត្រូវតែចាប់ផ្តើមសន្សំលុយចាប់តាំងពីអ្នក ឬប្រពន្ធរបស់អ្នកមានផ្ទៃពោះ ឬនៅពេលកូនរបស់អ្នកសម្រាលដើម្បីធានានូវលក្ខខណ្ឌល្អបំផុតសម្រាប់កូនរបស់អ្នកគ្រប់ពេលទាំងអស់ ហើយការធ្វើបែបនេះគឺអ្នកអាចប្រាកដថាការអប់រំរបស់កូន យ៉ាងហោចណាស់ចាប់ពីតូចរហូតដល់អាយុយ៉ាងតិច 15 ឆ្នាំ នឹងគ្មានការអាក់ខាននោះឡើយ។

កាលណាអ្នកចាប់ផ្ដើមអនុវត្តផែនការហិរញ្ញវត្ថុរយៈពេលវែងសម្រាប់ការអប់រំរបស់កូនអ្នកកាន់តែឆាប់ គឺកាន់តែល្អ ពីព្រោះថាវាប្រៀបបានដូចជា “ខែលការពារ” ដើម្បីជួយអ្នកការពារកូនរបស់អ្នក មិនថាឆាក ជីវិតរបស់អ្នកនឹងប្រែប្រួលទៅជាយ៉ាងណាក៏ដោយ។ នៅតាមបណ្ដាប្រទេសអភិវឌ្ឍន៍ជុំវិញពិភពលោក ឪពុកម្តាយវ័យក្មេងតែងតែទិញផលិតផលធានារ៉ាប់រងអាយុជីវិតរយៈពេលវែងសម្រាប់ជាវិធានការប្រុងប្រយ័ត្នប្រកបដោយសុវត្ថិភាព និងមានប្រសិទ្ធភាពដើម្បីធានាថាមិនថាមានរឿងអ្វីកើតឡើងក៏ដោយ​ ក៏ កូនៗរបស់ពួកគេនៅតែអាចបន្តក្តីស្រមៃរបស់ខ្លួនបានមួយរយភាគរយដែរ។

មិនខុសពីប្រទេសទាំងនោះប៉ុន្មានទេ ប្ដីប្រពន្ធវ័យក្មេងនៅប្រទេសវៀតណាមក៏អាចរកទិញផលិតផលធានារ៉ាប់រងដែលអាចរៀបចំទៅតាមតម្រូវការជាក់ស្តែងរបស់ខ្លួនបានដែរ។

ផលិតផលធានារ៉ាប់រង គឺប្រៀបបានទៅនឹងទ្រព្យធនដែលអ្នកសន្សំបានប្រមូលផ្ដុំទុកដាក់សម្រាប់កូន របស់អ្នកចាប់តាំងពីមុនពេលពួកគេចាប់កំណើតមករហូតដល់ពេលពួកគេបញ្ចប់ការសិក្សានៅសាកលវិទ្យាល័យ។ សំខាន់ជាងនេះទៅទៀត ផលិតផលធានារ៉ាប់រងក៏ជាមធ្យោបាយដ៏មានសុវត្ថិភាពមួយដែលអាចការពារអនាគតកូនរបស់អ្នកបានផងដែរ សូម្បីតែនៅក្នុងករណីដែលមានរឿងអកុសលអាក្រក់ណាមួយនឹកស្មានមិនដល់កើតឡើងមកលើរូបអ្នក ទាំងដែលកូនរបស់អ្នកនៅមិនទាន់បានធំពេញវ័យក៏ដោយ។