ចូលចិត្តលេងហ្គេម ដឹងអត់? ហ្គេមផ្ដល់អត្ថប្រយោជន៍ជាច្រើនមិនគួរឱ្យជឿ បើចេះគ្រប់គ្រងអារម្មណ៍

ហ្គេមជាព្រួញមុខពីរ លោកអ្នកអាចទទួលបានអត្ថ​ប្រយោជន៍បើសិនចេះគ្រប់គ្រងខ្លួនឯង។ យ៉ាងណាមិញ ប្រសិនបើអ្នកលេងហ្គេមលើសពី 6ម៉ោងក្នុងមួយសប្ដាហ៍ នោះអ្នកនឹងទទួលបានផលប៉ះពាល់វិញ។ 

ដើម្បីស្វែងយល់ថា តើការលេងហ្គេមធ្វើឱ្យសុខភាពផ្លូវចិត្ត មានការប្រសើរឡើង ឬមានឥទ្ធិពលវិជ្ជមានលើជីវិតប្រចាំថ្ងៃឬយ៉ាងណា?

អ្នកពិសោធនបានជ្រើសរើស មនុស្ស 33 នាក់ដែលមានអាយុពី 55 ទៅ 75 ឆ្នាំមកសាកល្បង។ ក្នុងនោះមនុស្សទាំង ៣៣ នាក់ត្រូវបានបែងចែកជា ៣ក្រុម ដោយ៖

• ក្រុមទី១ តម្រូវឱ្យលេងហ្គេម  Mario 64 ក្នុងរយៈពេល ៣០នាទីក្នុងមួយថ្ងៃ
• ក្រុមទី២ តម្រូវឱ្យរៀនលេងព្យាណួ
• ក្រុមទី ៣ មិនតម្រូវឱ្យធ្វើអ្វីឡើយ។

ក្នុងរយៈពេល ៦ខែ អ្នកទាំង ៣៣ បានធ្វើការស្កេន MRI ហើយបង្ហាញឱ្យឃើញថា៖

•  ក្រុមទី១ មានការអភិវឌ្ឍខួរក្បាលប្រសើរជាងមុន ធ្វើឱ្យមានការចងចាំប្រសើរឡើង ថែមទាំងមានសុខភាពផ្លូវចិត្តល្អថែមទៀតផង។

ការសិក្សា មួយទៀតគឺស្រដៀងនឹង ការសិក្សាខាងលើដែរ ប៉ុន្តែម្ដងនេះគឺ យកមនុស្សវ័យក្មេងមកសាកល្បងម្ដង ដោយឱ្យពួកគេលេងហ្គេម ប៉ុន្តែមានម៉ោងកំណត់ច្បាស់លាស់។ បន្ទាប់មកបានឱ្យឃើញថា ខួរក្បាលរបស់ពួកគេ មានការប្រសើរឡើងជាងមុន និងរហ័សរហួន។