អតិថិជនមេនូឡាយហ្វ៍ជាទីគោរព!
យើងខ្ញុំកំពុងតាមដានការវិវឌ្ឍន៍នៃការរីករាលដាលនៃជំងឺកូវីដ19 នៅកម្ពុជាយ៉ាងយកចិត្តទុកដាក់បំផុតដើម្បីប្រាកដថាយើងអាចចាត់វិធានការដែលចាំបាច់ និងប្តេជ្ញាថាយើងនៅតែបន្តបម្រើអតិថិជនរបស់យើង ជាពិសេសក្នុងស្ថានភាពលំបាកនេះ។
ខណៈពេលដែលទីក្រុងភ្នំពេញ ក្រុងតាខ្មៅទាំងមូល និងផ្នែកខ្លះនៃខេត្តសៀមរាមបានស្ថិតនៅក្នុងតំបន់បិទខ្ទប់ ក្រុមហ៊ុន មេនូឡាយហ្វ៍ ខេមបូឌា នឹងខិតខំឲ្យអស់ពីសមត្ថភាពដើម្បីផ្តល់នូវដំណោះស្រាយការការពារហិរញ្ញវត្ថុដល់ក្រុមគ្រួសារកម្ពុជា និងបន្តផ្ដល់សេវាកម្មជូនអតិថិជនទាំងអស់ដោយអនុវត្តតាមវិធានការសុវត្ថិភាពស្របតាមសេចក្តីសម្រេចរបស់រាជរដ្ឋាភិបាល។
ហេតុនេះ សូមអតិថិជន និងសាធារណៈជនមេត្តាជ្រាបថា៖
- សម្រាប់អតិថិជនដែលមានវិជ្ជមានកូវីដ19 សូមផ្ដល់ដំណឹងមកកាន់ទីប្រឹក្សាធានារ៉ាប់រង ឬ មន្រ្តីជំនាញប្រឹក្សាធានារ៉ាប់រងរបស់លោកអ្នក ឬ ផ្ដល់ដំណឹងដោយផ្ទាល់មកកាន់ក្រុមហ៊ុនតាមរយៈ 1800 211 211 (ប្រព័ន្ធទូរស័ព្ទឥតគិតថ្លៃ)។ ក្រុមការងារយើងខ្ញុំនឹងសិក្សា ហើយធ្វើការផ្ដល់សំណងជូនលោកអ្នក ដូចបានជូនដំណឹងក្នុង «ការផ្តល់ជូនបន្ថែមករណីតេស្តវិជ្ជមានវីរុសកូវីដ19» (www.manulife.com.kh/km/offers/covid-19-coverage.html)។
- សម្រាប់អតិថិជនដែលធ្វើការទាមទារសំណង៖ លោកអាចធ្វើការទាមទារសំណងតាមរយៈ e-claim (https://eclaim.manulife.com.kh) សម្រាប់មេឌីខាស (Medicash) ឬ/និងទាក់ទងផ្ទាល់មកកាន់ 1800 211 211 (ប្រព័ន្ធទូរស័ព្ទឥតគិតថ្លៃ) សម្រាប់សំណងផ្សេងៗទៀត។ លោកអ្នកអាចស្វែងយល់បន្ថែមអំពីបែបបទ និងឯកសារទាក់ទងនឹងការទាមទារសំណងតាមរយៈ៖ www.manulife.com.kh/km/services/claim.html ។
- សម្រាប់ការទិញផលិតផលធានារ៉ាប់រង៖ លោកអ្នកអាចធ្វើការប្រឹក្សាដោយឥតគិតថ្លៃតាមរយៈប្រអប់សារហ្វេសបុក (Facebook messenger) ឬ ប្រព័ន្ធទូរស័ព្ទឥតគិតថ្លៃ៖ 1800 211 211។ ក្រុមការងារយើងខ្ញុំនឹងចាំជួយសម្រួលដល់ដំណើរការទិញរបស់លោកអ្នកជានិច្ច។
- សម្រាប់ការបង់បុព្វលាភរ៉ាប់រង លោកអ្នកអាចធ្វើប្រតិបត្តិការបង់ប្រាក់បានតាមរយៈ វិធីបង់ប្រាក់តាមកម្មវិធីទូរស័ព្ទរបស់ធនាគារដៃគូណាដែលងាយស្រួលសម្រាប់លោកអ្នក។ សម្រាប់ព័ត៌មានបន្ថែម សូមចូលទៅកាន់ www.manulife.com.kh/km/services/make-a-payment.html ។
- សម្រាប់ចម្ងល់ ឬ បញ្ហាផ្សេងៗទាក់ទងនឹងបណ្ណសន្យារ៉ាប់រងរបស់លោកអ្នក សូមទាក់ទងមកកាន់ផ្នែកសេវាកម្មបម្រើអតិថិជនតាមរយៈប្រព័ន្ធទូរស័ព្ទឥតគិតថ្លៃ៖ 1800 211 211 ឬ ផ្ញើសារមកកាន់ប្រអប់សារហ្វេសបុករបស់ក្រុមហ៊ុន (Manulife Cambodia’s Facebook messenger)។ ក្រុមការងារយើងខ្ញុំបានត្រៀមខ្លួនរួចជាស្រេចក្នុងការដោះស្រាយបញ្ហាជូនលោកអ្នក។
ក្រុមហ៊ុន មេនូឡាយហ្វ៍ ខេមបូឌា នៅតែបន្តការប្ដេជ្ញាចិត្តក្នុងការជួយកសាងអនាគតហិរញ្ញវត្ថុដ៏រឹងមាំ និងកាន់តែប្រសើរជូនក្រុមគ្រួសារកម្ពុជា។ យើងខ្ញុំនឹងខិតខំឲ្យអស់ពីសមត្ថភាពក្នុងការគាំទ្រ និងជួយដល់លោកអ្នកក្នុងគ្រាលំបាកនេះ ហើយយើងខ្ញុំក៏នឹងបន្តអនុវត្តឲ្យបានគ្រប់ជ្រុងជ្រោយនូវវិធានការការពារដើម្បីធានាឲ្យបាននូវសុខុមាលភាព និងសុវត្ថិភាពរបស់អតិថិជន បុគ្គលិក និងសហគមន៍យើង។ សូមអតិថិជនទាំងអស់បន្តថែរក្សាសុខភាព រក្សាអនាម័យ ប្រកាន់ខ្ជាប់នូវវិធានការសុវត្ថិភាព និងនៅផ្ទះ។ យើងខ្ញុំសូមជូនពរអតិថិជន និងប្រជាជនកម្ពុជាទាំងអស់ មានសុខភាពល្អ ចៀសផុតពីជំងឺកូវីដ19។
សូមអរគុណ។